Օլիմպիական խաղերի փոխչեմպիոն Ստեփան Սարգսյանի անվան միջազգային մրցաշարին 15 երկրի ըմբիշներ են մասնակցել

Լուրեր

20.11.2026 | 12:21
Հյուսիս-հարավի Քաջարան-Ագարակ 32 կմ ճանապարհահատվածի շինարարությունն ավարտված է շուրջ 60 տոկոսով
20.11.2026 | 12:10
Լարված իրավիճակ Քոչարյանի գործով նիստին // Վրաստանում սգո օր է հայտարարվել․ ԼՈՒՐԵՐ
20.11.2026 | 12:00
Սոնա Ղազարյանի ճեպազրույցը՝ ՈւՂԻՂ
20.11.2026 | 11:59
Լեհաստանում օդային տագնապ է հայտարարվել՝ Ուկրաինային ՌԴ զանգվածային հարվածների ֆոնին
20.11.2026 | 11:50
Չափանիշներ են պետք, որ հասկանալի լինի՝ խախտումները ինչպես են ազդում քվեարկության արդյունքների վրա․ ՏԵՍԱՆՅՈՒԹ
20.11.2026 | 11:38
Վրաստանում նոյեմբերի 22-ը սգո օր է հայտարարվել Թբիլիսիում շենքի փլուզումից հետո
20.11.2026 | 11:36
Տիգրան Աբրահամյանի ճեպազրույցը՝ ՈւՂԻՂ
20.11.2026 | 11:33
ԱԽ քարտուղարը Էստոնիայի դեսպանի հետ քննարկել է ՀՀ-ԵՄ հարաբերություններն ու տարածաշրջանային զարգացումները
20.11.2026 | 11:28
Եվրոպացի առաջնորդները մերժել են Թրամփի, Պուտինի և Սի Ցզինպինի «Յալթա 2»-ը Ուկրաինայի վերաբերյալ
20.11.2026 | 11:20
Արտարժույթների փոխարժեքները՝ նոյեմբերի 20-ի դրությամբ
20.11.2026 | 11:08
Total Chess. Հայկ Մարտիրոսյանը հաղթել է Արջուն Էրիգաիսիին
20.11.2026 | 10:58
Թրամփը համաձայն է Ուկրաինայի վերաբերյալ որոշումներ չկայացնել՝ առանց Կիևի անմիջական մասնակցության
20.11.2026 | 10:50
Հայ ծանրոդների մրցելույթների ծամանակացույցը Դոհայի վարկանիշային մրցաշարում
20.11.2026 | 10:43
ՀՀ դեսպանը մասնակցել է Թրամփի Մար-ա-Լագո առանձնատանը կայացած միջոցառմանը․ շփումներ է ունեցել ԱՄՆ պաշտոնյաների հետ․ ԼՈՒՍԱՆԿԱՐՆԵՐ
20.11.2026 | 10:34
Երեխաների նկատմամբ բռնությունը, բուլինգը և կրթության հասանելիությունը շարունակում են խնդիր մնալ․ ՄԻՊ
Բոլորը

ՀՀ կառավարության բարձր հովանու ներքո Երևանում անցկացվել է Եվրոպայի չեմպիոն, աշխարհի եռակի գավաթակիր, Օլիմպիական խաղերի փոխչեմպիոն, ԽՍՀՄ սպորտի վաստակավոր վարպետ, ազատոճային ըմբիշ Ստեփան Սարգսյանի անվան Գավաթի 25-րդ խաղարկությունը, որտեղ Հայաստանի ներկայացուցիչները 3 ոսկե, 1 արծաթե և 1 բրոնզե մեդալ են նվաճել․ տեղեկացնում են ՀՀ ԿԳՄՍՆ-ից։

Միջազգային մրցաշարի հաղթողի տիտղոսը նվաճել են Եվրոպայի եռակի չեմպիոն, աշխարհի առաջնության կրկնակի բրոնզե մեդալակիր Արսեն Հարությունյանը, աշխարհի գավաթակիր, Եվրոպայի չեմպիոն Վազգեն Թևանյանը, Արսեն Հարությունյանն ու Եվրոպայի փոխչեմպիոն Արման Անդրեասյանը:

Հանդես գալով 57 կգ քաշային կարգում՝ Արսեն Հարությունյանը ոսկե մեդալ է նվաճել՝ եզրափակչում 11-1 հաշվով վստահ հաղթանակ տանելով Վրաստանի ներկայացուցիչ Գեորգի Գեգելաշվիլիի նկատմամբ: 65 կգ քաշային Վազգեն Թևանյանը ոսկե մեդալի համար գոտեմարտում 48 վայրկյանում փայլուն հնարքներով հաղթել է Բուլղարիայի ներկայացուցիչ Միկյա Նաիմին (13-0), իսկ Արման Անդրեասյանը եզրափակչում 5-3 հաշվով կամային հաղթանակ է տարել ղազախ ըմբիշի նկատմամբ:

Հայաստանի մյուս ներկայացուցիչ, աշխարհի Մ23 առաջնության բրոնզե, Եվրոպայի Մ23 առաջնության արծաթե մեդալակիր Հրայր Ալիխանյանն արծաթե մեդալ է նվաճել՝ 74 կգ քաշայինների եզրափակչում զիջելով Մոլդովայի ներկայացուցչին:

Ազատոճային հայ ըմբիշներից բրոնզե մեդալին արժանացել է Մեժլում Մեժլումյանը՝ 61 կգ քաշայինների վճռորոշ գոտեմարտում առավելության հասնելով Ղազախստանի ներկայացուցչի նկատմամբ:

Հայաստանի ազատ ոճի ըմբշամարտի հավաքականը Հաբեթնակ Կուրղինյանի գլխավորությամբ մրցաշարին մասնակցում էր 23 ըմբիշով: Գլխավոր մարզչի խոսքով՝ արդյունքները գոհացնող են, թեև տեխնիկական հնարքներում որոշ թերություններ են առկա:

«Սա ամենակարևոր պահն էր մեզ համար։ Արսեն Հարությունյանն ու Վազգեն Թեւանյանը լավ հանդես եկան։ Արսենն արդեն այլ՝ օլիմպիական քաշային կարգում է հանդես գալիս և UWW-ի դասակարգման աղյուսակում առաջատարն է իր քաշում: Բավական հավաքված գոտեմարտեր անցկացրեց։ Արման Անդրեասյանի մոտ շատ բան կա ուղղելու։ Նրա հետ դեռ շատ աշխատանք ունենք անելու մինչև աշխարհի առաջնություն»,- ասել է Հաբեթնակ Կուրղինյանը:

Հիշեցնենք՝ Ստեփան Սարգսյանի անվան գավաթի 25-րդ խաղարկությունը նախընտրական է Սերբիայում կայանալիք աշխարհի առաջնության համար, որը վարկանիշային է Օլիմպիական խաղերի համար: Հաբեթնակ Կուրղինյանի խոսքով՝ աշխարհի առաջնության կազմը գրեթե հայտնի է. «Ինձ համար արդեն նախորդ տարվա աշխարհի և այս տարվա Եվրոպայի առաջնություններից հետո էր հասկանալի, թե ինչ կազմով ենք մասնակցելու վարկանիշային աշխարհի առաջնությանը։ Սերբիայում մեզ լուրջ պայքար է սպասվում»:

Օլիմպիական խաղերի փոխչեմպիոն Ստեփան Սարգսյանը ևս ամփոփել է մրցաշարի արդյունքները. «Հայ ըմբիշների մրցելույթները գերազանց եմ գնահատում: Կորոնավիրուսի, ապա նաև պատերազմի պատճառով երեք տարի չէինք անցկացրել այս մրցաշարը: Հիմա մեր մարզիկները ոգևորված են դուրս գալիս մրցագորգ և ցույց են տալիս իրենց ուժը, մարտական ոգին: Թևանյանը, Հարությունյանը և Անդրեասյանն ապացուցեցին և ցույց տվեցին մեր ուժը: Առջևում աշխարհի առաջնությունն է, ապա նաև Օլիմպիական խաղերը. հուսով եմ՝ այդ մրցաշարերից էլ մեդալներով կվերադառնանք»:

Ստեփան Սարգսյանի գնահատմամբ՝ նմանօրինակ մրցաշարերի անցկացումը կարևոր է մարզաձևի մասսայականացման համար:

«Մրցաշարերի շնորհիվ հնարավորություն ենք ունենում ավելի մասսայական դարձնելու ըմբշամարտը: Ինձ համար կարևոր է, որ երեխաները զբաղվեն սպորտով և դառնան դաստիարակված լավ մարդիկ»,- ասել է ԽՍՀՄ սպորտի վաստակավոր վարպետը:

Ստեփան Սարգսյանի անվան գավաթի 25-րդ խաղարկությանը մասնակցում էին ավելի քան 15 երկրի ըմբիշներ: Մրցաշարի հաղթողը կստանա 3000, արծաթե մեդալակիրը` 2000, իսկ բրոնզե մեդալակիրը՝ 1000 ԱՄՆ դոլար: Նույնքան կստանա նաև չեմպիոնի մարզիչը: