24.11.2024 | 19:08
ՃՏՊ Դիմիտրով գյուղի մոտ. 3 անձ տեղափոխվել է հիվանդանոց
ՌԴ-ն դեռևս թույլ չի տվել մարդասիրական առաքելությանը մուտք գործել Դնեպրի ձախ ափ․ ՄԱԿ
Քաղաքականություն
19.06.2023 | 15:55
Ռուսաստանը մերժել է ՄԱԿ-ի հումանիտար հատուկ առաքելության խնդրանքը՝ մուտքի իրավունք տալ Դնեպր գետի ձախ ափի հեղեղված տարածքներ, որոնք վերահսկվում են ռուսական բանակի կողմից։ Այս մասին ասվում է Ուկրաինայի հարցով ՄԱԿ-ի համակարգող Դենիզ Բրաունի հայտարարության մեջ:
«Մենք չենք կարող հրաժարվել կարիքավոր մարդկանց օգնելուց: ՄԱԿ-ը կշարունակի անել ամեն ինչ՝ աջակցելու բոլոր մարդկանց, ներառյալ վերջին ամբարտակի փլուզումից տուժածներին, ովքեր շտապ օգնության կարիք ունեն՝ որտեղ էլ լինեն»,- ասվում է հայտարարության մեջ:
ՄԱԿ-ի առաքելությունը, Բրաունի գլխավորությամբ, կոչ է արել Ռուսաստանի իշխանություններին գործել իրենց պարտավորություններին և միջազգային մարդասիրական իրավունքին համապատասխան։
Հունիսի 8-ին Ուկրաինայի արտաքին գործերի նախարար Դմիտրի Կուլեբան և Դենիզ Բրաունը պայմանավորվել են, որ ՄԱԿ-ը շտապ թիմեր կձևավորի, որոնք կուղարկվեն հեղեղված տարածքների տարբեր շրջաններ՝ մարդասիրական օգնություն ցուցաբերելու Դնեպրի երկու ափերի տուժած բնակիչներին։ Արդեն հունիսի 13-ին ՄԱԿ-ը հայտարարեց, որ խմբավորումները կազմավորվել են և պատրաստ են մեկնել Խերսոնի շրջանի օկուպացված հատված, սակայն Մոսկվան դեռևս անվտանգության երաշխիքներ չի տրամադրել գրավյալ տարածքներ այցելելու համար։
Կիրակի Ուկրաինայի ՆԳՆ-ն հայտնել է, որ Ուկրաինայի կողմից վերահսկվող տարածքում ջրհեղեղի զոհ է դարձել 17 մարդ։ Մոսկվայի կողմից նշանակված «Խերսոնի շրջանի կառավարության» ղեկավար Անդրեյ Ալեքսեենկոն հայտնել է, որ զոհվել է 35 մարդ։
Տաթև Ֆռանգյան
