08.10.2026 | 20:14
Ոստիկանության տարածքային բաժիններ է ներկայացվել նախկինում դատապարտված և հանցավոր հակումներ ունեցող 77 անձ
Իրանը և Ուզբեկստանը համագործակցության մի շարք պայմանագրեր են ստորագրել
Քաղաքականություն
19.06.2023 | 11:46
Իրանն ու Ուզբեկստանը կիրակի՝ հունիսի 18-ին, համագործակցության մի շարք համաձայնագրեր են ստորագրել, որոնք վերաբերում են առևտրի, տրանսպորտի, դեղագործության, ապահովագրության, տեխնոլոգիաների և գյուղատնտեսության ոլորտներին, գրում է DW-ի ռուսական ծառայությունը։
Փաստաթղթերը Թեհրանում ստորագրվել են երկու կողմերի բարձրաստիճան ներկայացուցիչների կողմից՝ Իրանի և Ուզբեկստանի նախագահներ Իբրահիմ Ռաիսիի և Շավքաթ Միրզիոևի ներկայությամբ։ Ինչպես նշում է ուզբեկական Gazeta.uz առցանց հրատարակությունը, հատուկ ուշադրություն է դարձվել «Կենտրոնական Ասիան Իրանի հետ կապող ամենակարճ տրանսպորտային և լոգիստիկ միջանցքների օգտագործմանը»։
Բացի այդ, երկու երկրների ղեկավարները քննարկել են միջազգային ահաբեկչության, թմրամիջոցների ապօրինի շրջանառության, կիբեռահաբեկչության և մարդկանց թրաֆիքինգի դեմ պայքարը և պայմանավորվել են շարունակել երկխոսությունը Աֆղանստանում խաղաղության և կայունության ամրապնդման շուրջ։
Միրզիոևը և Ռաիսին ստորագրել են երկկողմ համագործակցության ամրապնդման վերաբերյալ համատեղ հայտարարություն։ Սա վերջին 20 տարում Ուզբեկստանի ղեկավարի առաջին այցն էր Իրան։ 2022 թվականի սեպտեմբերին Ռաիսին այցելել է Սամարղանդ, որտեղ մասնակցել է Շանհայի համագործակցության կազմակերպության գագաթնաժողովին։
