15.05.2026 | 11:03
Հայաստանն ու ԱՄՆ-ը քննարկել են համագործակցությունը կրիտիկական հանքանյութերի ոլորտում
Գյումրու ծննդատան նոր մասնաշենքի կառուցման շինարարական աշխատանքները վերսկսվել են
Տնտեսություն
17.06.2023 | 15:29
Վերսկսվել են Գյումրու «Մոր և մանկան ավստրիական հիվանդանոց» ՓԲԸ-ի ծննդատան մասնաշենքի կառուցման շինարարական աշխատանքները։ 2019 թվականից մեկնարկած աշխատանքները շուրջ մեկ տարի է, ինչ կասեցված էին։
Ինչպես «Արմենպրես»-ին տեղեկացրել է մարզպետի աշխատակազմի Տեղեկատվության ու հասարակայնության հետ կապերի բաժնի ղեկավար Արաքսյա Կիրակոսյանը, օրերս Շիրակի մարզպետ Մուշեղ Մուրադյանն աշխատանքային հանդիպում էր ունեցել շինարարությունն իրականացնող «Ամուր քնստրաքշնս» ՍՊԸ-ի տնօրեն Սևակ Արզարունու հետ:
Հանդիպման արդյունքում պայմանավորվածություն էր ձեռքբերվել շարունակել գործընթացը։
Նոր ծննդատունը կառուցվում է շվեյցարահայ գործարար Վարդան Սրմաքեշի ստեղծած հիմնադրամի միջոցներով, շենքը եռահարկ է, ունի նկուղային հարկ։ Իրականացվել է աշխատանքների մոտ 50 տոկոսը։
