08.10.2026 | 16:57
ՀՖՖ. Եղիշե Մելիքյանն ունի ՀՀ քաղաքացիություն
Եվրախորհրդարանի պատգամավորները կայցելեն Հայաստան՝ գնահատելու անվտանգային իրավիճակն ու ԵՄ առաքելության գործունեությունը
Քաղաքականություն
16.06.2023 | 20:10
Հունիսի 19-ից 22-ը Եվրախորհրդարանի Անվտանգության և պաշտպանության ենթահանձնաժողովի պատվիրակությունը կժամանի Հայաստան։
Եվրախորհրդարանի տարածած հաղորդագրությունում նշվում է, որ այցի հիմնական նպատակն է գնահատել Հայաստանում անվտանգության իրավիճակը, Հայաստանի և Ադրբեջանի միջև հարաբերությունների կարգավորման գործընթացը, ինչպես նաև փետրվարին մեկնարկած Հայաստանում ԵՄ քաղաքացիական առաքելության (EUMA) գործունեությունը, որը դիտարկում և զեկուցում է Ադրբեջանի հետ միջազգային սահմանի հայկական կողմում անվտանգության իրավիճակի մասին։
Պատվիրակությունը կհանդիպի Հայաստանի գործադիր, օրենսդիր մարմինների ներկայացուցիչների, ինչպես նաև ԵՄ անդամ երկրների դեսպանների հետ։
Նատալի Լուազոյի գլխավորած պատվիրակության կազմում կլինեն տարբեր խմբերի պատգամավորներից՝ Առնաուդ Դաժան, Մայքլ Գալերը, Գեորգե-Վլադ Նիստորը, Լարս Պատրիկ Բերգը և Ֆաբիո Մասսիմո Կաստալդոն։
Էմմա Չոբանյան
