08.10.2026 | 14:42
ՄԻՊ-ը Վարդենիսի խնամքի կենտրոնում աշխատանքի շահագործման և այլ խախտումներ է արձանագրել
Հունաստանում ցույցեր են անցկացվել Հոնիական ծովում միգրանտների խորտակումից հետո
Քաղաքականություն
16.06.2023 | 21:40
Հունաստանում հազարավոր մարդիկ ցույցի են դուրս եկել երկրի խոշոր քաղաքներում՝ ի նշան Պիլոսի ափերի մոտ նավաբեկության զոհերի ընտանիքների հետ համերաշխության, գրում է Euronews-ը։
Աթենքում երկու ակցիա է տեղի ունեցել Հոնիական ծովում տեղի ունեցած ողբերգությանը հետ կապված, որտեղ 30 մետրանոց ձկնորսական նավ է խորտակվել՝ հարյուրավոր միգրանտներով։
Արհմիությունները հավաքվել են Սինթագմա հրապարակում, իսկ հակառասիստական կազմակերպությունները՝ Աթենքի համալսարանի շենքի մոտ։ Այնուհետեւ երկու հանրահավաքների մասնակիցները երթով շարժվել են քաղաքի կենտրոնով։
Հունաստանի իշխանությունները հայտնել են, որ խորտակված նավում 750 մարդ է եղել, նրանցից միայն հարյուրին է հաջողվել փրկել։ Առափնյա պահպանության գվարդիան հայտարարել է, որ այլ ողջ մնացածներին գտնելու հավանականությունը նվազագույնն է: Մինչ այժմ որոնողական աշխատանքների ընթացքում հայտնաբերվել է 78 դի։
Մարդկանց թրաֆիքինգի մեղադրանքով ձերբակալվել է 9 մարդ, այդ թվում՝ նավապետը։
Էմմա Չոբանյան
