23.11.2024 | 16:35
Թուրքիայի հետախուզության ղեկավարն ու գլխավոր ընդդիմադիր կուսակցությունը հանդիպում են անցկացրել անվտանգության հարցերի շուրջ
ՌԴ-ն նյարդայի՛ն է՝ ԱՄՆ միջնորդության դեմ․ վտանգ է տեսնում՝ ԼՂ-ն տեղափոխվի միջազգային պրոտեկցիայի տակ, ինքը հեռացվի․ Ստյոպա Սաֆարյան. ՏԵՍԱՆՅՈՒԹ
Քաղաքականություն
16.06.2023 | 19:02
Միջազգային և անվտանգության հարցերի հայկական ինստիտուտի հիմնադիր Ստյոպա Սաֆարյանին Factor TV-ի հարցազրույցում հարց ուղղեցինք՝ ինչպե՞ս մեկնաբանել այն դրվագը, երբ Ադրբեջանի զինծառայողները ռուս խաղաղապահների ուղեկցությամբ նախ փորձում են դրոշ բարձրացնել Հակարիի կամրջի մոտ, սակայն հայկական կողմի գործողությունների արդյունքում փախչում են և՛ ադրբեջանցիները, և՛ ռուսները։ Քիչ անց էլ տարածք է ժամանում ԼՂ-ում ՌԴ խաղաղապահների հրամանատար Լենցովը, որի ներկայությամբ է միայն, որ ադրբեջանցիներին հաջողվում է բարձրացնել դրոշ։
Դատելով պատկերից՝ եթե ռուսները չլինեին ադրբեջանցիների հետ, դրոշը չէր բարձրացվի։ Ադրբեջանը հայտնել է, թե իր տարածքում է տեղադրել, ըստ ՀՀ ԱԱԾ-ի՝ ՀՀ-ի տարածքն է դա։
Ըստ քաղաքագետի՝ ՌԴ-ն և Ադրբեջանը դրոշի միջադեպով փակեցին ԼՂ-ին մատակարարումների ճանապարհը։
«Ո՞վ է Արցախի դեմ ահաբեկչական գործողություն իրականացնողը՝ ՌԴ-ն և Ադրբեջանը միասին են գործում։ Այս խաղում Ադրբեջանը ՌԴ-ի կեղտոտ գործիքն է՝ ՀՀ-ին ճնշելու համար։ Փաստորեն, մենք պատանդ ենք, և նա մեր հաշվին է վճարում։ Դրոշի դրվագը դա ապացուցեց։ Այս ընթացքում ՀՀ-ն և Արցախն ընդվզեցին «Զանգեզուրի միջանցքի» հարցով ճնշման դեմ, և Ռուսաստանն ԱՄՆ-ի հանդիպումից առաջ տարածք տվեց Ադրբեջանին Հակարիի կամրջի վրա։ Սա ճղճիմ գործարք է, որտեղ մենք զոհ ենք», – ասաց Ստյոպա Սաֆարյանը։
Հարցազրույցն ամբողջությամբ՝ տեսանյութում։
Ռոբերտ Անանյան
