14.11.2024 | 21:46
Եվրոպայում գազի գինը հասել է այս տարվա ամենաբարձր ցուցանիշին
Նախակրթության ոլորտում առկա է խտրականություն. Ժուռնալիստների «Ասպարեզ» ակումբի նամակը՝ վարչապետին
05.07.2017 | 15:01
Ժուռնալիստների «Ասպարեզ» ակումբի խորհրդի նախագահ և Գյումրիի ավագանու անդամ Լևոն Բարսեղյանը նամակով դիմել է ՀՀ վարչապետ Կարեն Կարապետյանին: Նամակում, մասնավորապես ասվում է.
«Դպրոց ոտք դնող երեխաները այս խտրականության հետևանքով իրենց գիտելիքներով բաժանվում են երկու խմբի՝ (1) առավել նախապատրաստված կամ որոշ նախնական գիտելիքներ ունեցողներ, և (2) շատ սահմանափակ գիտելիքներ ունեցողներ կամ չունեցողներ: Նամակում ասվում է, որ այս խտրականությունը պայմանավորված է Երևանի բյուջեի առավել բարենպաստ վիճակով՝ մնացած համայնքների համեմատ, ինչը արտահայտվում է ոչ միայն նախակրթարանների ֆինանսավորման ոլորտում:
…Հայտնի պիտի լինի Ձեզ, որ համայնքների բյուջեների ձևավորման ՀՀ գործող օրենսդրությունը և պրակտիկան այնպիսին է, որ համայնքներում շնչին ընկնող համայնքային բյուջեի ցուցանիշը հեռու է համահավասար կամ համահավասարին մոտ լինելուց, մի համայնքում այդ ցուցանիշը կարող է մինչև 7-ապատիկ գերազանցել մեկ այլ համայնքի ցուցանիշը: Մասնավորաբար, Երևանում շնչին ընկնող համայնքային բյուջեն 2,5-3 անգամ ավելի մեծ է, քան մյուս խոշոր քաղաքների համանման ցուցանիշը: Ակնհայտորեն սա թույլ չի տալիս մարզերում համայնքային բյուջեից այնպես ֆինանսավորել համայնքապատկան մանկապարտեզները, որ վերջիններս կարողանան համայնքների բոլոր երեխաներին անվճար նախնական կրթություն ապահովել, իսկ Երևանում դա հնարավոր է: Կարծում եմ, որ եթե այս վիճակը տևական դառնա, և խնդիրը չկարգավորվի, հաշվի առնելով նաև բազմաթիվ այլ խտրական երևույթներ, որոնք առկա են պետական կառավարման սխալների և թերությունների պատճառով (տարբեր համայնքների կոմունալ տնտեսությունների մեջ խտրական ներդրումները և այլն), շարունակվելու է մարզերից միգրացիան դեպի մայրաքաղաք, դրանից բխող այլ հետևանքներով»:
