14.08.2026 | 17:01
Թվայնացումը՝ ՊԵԿ բարեփոխումների կարևոր բաղադրիչ․ խորհրդի նիստում քննարկվել են նոր նախաձեռնություններ
Տեղի ունեցածը մեծ խնդիր է, ռուս գործընկերների հետ խոսակցություն կլինի. ՔՊ-ական պատգամավոր․ ՏԵՍԱՆՅՈՒԹ
Քաղաքականություն
16.06.2023 | 12:42
Լաչինի միջանցքում պետք է վերահսկողություն իրականացնի բացառապես ռուսական խաղաղապահ զորակազմը։ Այսօր Ազգային ժողովում ճեպազրույցի ժամանակ այս մասին հայտարարեց ԱԺ «Քաղաքացիական պայմանագիր» խմբակցության քարտուղար Արթուր Հովհաննիսյանը։
Նշենք, որ Հունիսի 15-ի առավոտյան՝ ժամը 08:40-ի սահմաններում, Ադրբեջանի սահմանապահ ծառայության մի խումբ զինծառայողներ, ռուս խաղաղապահների ներկայությամբ, Հակարիի կամրջի ուղղությամբ առաջխաղացման փորձ են կատարել՝ ՀՀ տարածքում դրոշ տեղադրելու նպատակով։ Հայկական կողմի ձեռնարկած միջոցների արդյունքում ադրբեջանցի զինծառայողների առաջխաղացման փորձը կանխվել է։
Անդրադառնալով այն հարցին, թե արդյոք այդ խնդրի վերաբերյալ Հայաստանը փորձել է պաշտոնական պարզաբանում ստանալ ռուս գործընկերներից, Հովհաննիսյանը նշեց, որ ՀՀ արտաքին քաղաքական գերատեսչությունը մշտական կապի մեջ է նրանց հետ։
«Տեղի ունեցածը մեծ ծավալի խնդիր է, և բնականաբար ռուս գործընկերների հետ խոսակցություններ են տեղի ունենում, իսկ թե ինչ համատեքստով և ինչ արդյունքներով, այս մասին կհայտնի ԱԳՆ-ն»,- նշեց «Քաղաքացիական պայմանագիր» խմբակցության քարտուղարը։
Մանրամասները՝ տեսանյութում։
