06.06.2026 | 17:50
Ընտրական հանցագործությունների գործերով ձերբակալվել է 194, քրեական հետապնդման ենթարկվել՝ 209 անձ. ՀԿԿ
Շվեդիայում էկոակտիվիստները կարմիր ներկ են լցրել Մոնեի կտավի վրա և սոսնձել ձեռքերը
Քաղաքականություն
15.06.2023 | 22:43
Շվեդիայում ոստիկանությունը ձերբակալել է երկու կանանց, որոնք Ստոկհոլմի ազգային թանգարանում կարմիր ներկ են լցրել Կլոդ Մոնեի «Նկարչի այգին Ժիվերնիում» կտավի վրա և ձեռքերը սոսնձել, գրում է Euronews-ը։
Ակցիայի պատասխանատվությունը ստանձնել է Återställ Våtmarker կազմակերպությունը: Էկտիվիստներն այդպիսով որոշել են ուշադրություն հրավիրել կլիմայի փոփոխության և ջերմոցային գազերի արտանետումների կրճատման անհրաժեշտության վրա։ Արվեստի գործը պաշտպանված է եղել հատուկ ապակով։ Արվեստաբանները պարզում են՝ արդյո՞ք որևէ վնաս հասցվել է կտավին։
Սա առաջին դեպքը չէ, որ ֆրանսիացի նկարչի կտավները տուժում են ծայրահեղ էկոակտիիվիստ ձեռքից։ 2022 թվականի հոկտեմբերին Պոտսդամում Letzte Generation («Վերջին սերունդ») շարժման ակտիվիստները կարտոֆիլի խյուս էին լցրել Բարբերինի պալատում Մոնեի հանրահայտ «Խոտի դեզեր» կտավի վրա։
Էմմա Չոբանյան
