14.09.2026 | 13:38
Հայաստանում այսօր բռնաբարվում է գույքային իրավունքը․ Լիլիթ Գալստյան․ ՏԵՍԱՆՅՈՒԹ
Իտալիան վերջին հրաժեշտն է տվել Սիլվիո Բեռլուսկոնիին
Քաղաքականություն
14.06.2023 | 19:54
Իտալիայում վերջին հրաժեշտն են տվել երկրի նախկին վարչապետ Սիլվիո Բեռլուսկոնիին, գրում է BBC-ն։
Միլանի արքեպիսկոպոսը ղեկավարել է Բեռլուսկոնիի պետական հուղարկավորության արարողությունը քաղաքի մայր տաճարում։ Իտալիայում ազգային սգո օր է հայտարարված։
Տաճարից դուրս գտնվող հրապարակը լի է եղել հազարավոր մարդկանցով, որոնք ծածանել են Միլան ֆուտբոլային ակումբրի դրոշները՝ ծափահարելով և վանկարկելով. «Սիլվիոն միշտ կլինի մեր նախագահը»:
Նման հարգանքի տուրքն աննախադեպ է նախկին վարչապետի համար։ Պետական հուղարկավորությունն արտոնություն է, որը սովորաբար վերապահված է պապերին, պատերազմի հերոսներին և ծառայող նախարարներին:
Միլանը քաղաք է, որը խորապես կապված է Սիլվիո Բեռլուսկոնիի հետ. այստեղ է նա ծնվել և այստեղ սկսել իր կարիերան՝ վաճառելով փոշեկուլներ:
Կենդանության օրոք Բեռլուսկոնին կառուցել է հսկայական կայսրություն, որը ներառում էր մեդիա, անշարժ գույք, ֆինանսական հաստատություններ, կինո և սպորտ, ինչպես նաև հզոր քաղաքական կուսակցություն, որն Իտալիայի ներկայիս կառավարության մաս է կազմում: Նա Իտալիայի ամենահարուստ մարդկանցից մեկն էր։ Forbes-ի տվյալներով՝ Բեռլուսկոնիի բիզնես ակտիվները կազմում են մոտ 6 միլիարդ եվրո:
Հիշեցնենք, որ Սիլվիո Բեռլուսկոնին մահացել է հունիսի 12-ին՝ 86 տարեկանում։ Նա առաջին անգամ Իտալիայի վարչապետի պաշտոնը ստանձնել է 1994 թվականին և մինչև 2011-ը ղեկավարել չորս կառավարություն։
Էմմա Չոբանյան
