13.01.2025 | 18:31
«Մայր Հայաստան» խմբակցությունը Երևանի ավագանու արտահերթ նիստ կգումարի
Փաշինյանի համար կարևոր քայլ էր մեր հրավերն ընդունելը․ Էրդողան
Քաղաքականություն
14.06.2023 | 15:15
Թուրքիայի նախագահ Ռեջեբ Թայիփ Էրդողանն Ադրբեջան պետական այցն ավարտելուց հետո ինքնաթիռում պատասխանել է թուրք լրագրողների հարցերին։ Նա խոսել է նաև ՀՀ վարչապետ Նիկոլ Փաշինյանին իր երդմնակալությանը հրավիրելու ու նրա հետ հանդիպման մասին։
«Իհարկե, Փաշինյանի համար կարևոր քայլ էր մեր հրավերն ընդունելը։ Այսինքն՝ այս պահին Փաշինյանը ընդունեց մեր հրավերը՝ հաղթահարելով բազմաթիվ խոչընդոտներ և հաղթահարելով իր երկրում ընդդիմադիր ըմբռնումները։ Այս արարողությանը մենք կարողացանք դեմ առ դեմ հանդիպում ունենալ վարչապետ Փաշինյանի հետ։ Այդ արագ հանդիպման ժամանակ մենք մեր երախտագիտությունը հայտնեցինք հրավերին արձագանքելու համար։ Բացի այդ՝ կարևոր էր նրանց վերջին հայտարարությունը, թե իրենք կարող են ճանաչել Ադրբեջանի տարածքային ամբողջականությունը, այդ թվում՝ Ղարաբաղը։ Իհարե, դա կարևոր զարգացում է։ Փաշինյանն այս հարցում մինչ այժմ հետքայլ չի արել»,- ասել է Էրդողանը։
