14.08.2026 | 19:40
Վանաձոր համայնքի տիրապետմանն է վերադարձվել Հրանտ Մաթևոսյանի անվան այգու տարածքում գտնվող ևս 1 հողատարածք
Էրդողանը հայտարարել է, թե «Զանգեզուրի միջանցքի» հարցում խնդիրներ է ստեղծում Իրանը
Քաղաքականություն
14.06.2023 | 15:00
Թուրքիայի նախագահի պաշտոնում վերընտրվելուց և առաջին այցերը չճանաչված Հյուսիսային Կիպրոս ու Ադրբեջան ավարտելուց հետո, Ռեջեփ Թայիփ Էրդողանը ինքնաթիռում պատասխանել է թուրք լրագրողների հարցերին։
Նա դարձյալ խոսել է այսպես կոչված «Զանգեզուրի միջանցքից» և պնդել, որ խնդիրներն այստեղ «գալիս են Իրանից»։
«Ինչ վերաբերում է «Զանգեզուրի միջանցքին», այստեղ Հայաստանի խնդիրը չէ, խնդիր այդ հարցում գալիս է Իրանից։ Այսինքն՝ երկու երկիր, որոնց բնակչությունը հիմնականում մահմեդական է (խմբ․ նկատի ունի Ադրբեջանը և Իրանը)։ Այն, որ Իրանն այստեղ նման վերաբերմունք ունի, վշտացնում է և՛ Ադրբեջանին, և՛ մեզ։ Դա նրանց էլ պետք է վշտացնի իրականում։ Երկաթուղով բեռնափոխադրման գանձվող տուրքերը շատ բարձր են։ Հուսով եմ, որ մենք շուտով կհաղթահարենք այս խնդիրը։ Տարածաշրջանում հաղորդակցություններին դրական մոտեցմամբ հնարավոր է ձևավորել Թուրքիա-Ադրբեջան-Իրան միասնական երկաթուղային և ճանապարհային ցանց, և հնարավոր կլինի բացել Պեկին-Լոնդոն երթուղին»,-ասել է Թուրքիայի նախագահը։
