14.08.2026 | 18:24
Դավիդ Թավադյանը նշանակվել է պետական գույքի կառավարման կոմիտեի նախագահ
Թրամփը դատարանում չի ընդունել գաղտնի փաստաթղթերի գործով իրեն առաջադրված մեղադրանքերը
Քաղաքականություն
14.06.2023 | 15:24
ԱՄՆ նախկին նախագահ Դոնալդ Թրամփը, որին քրեական հետապնդում է սպառնում Սպիտակ տնից հեռանալուց հետո պետական գաղտնի փաստաթղթերի հետ անփույթ վարվելու համար, նախօրեին Մայամիի դաշնային դատարանում իրեն մեղավոր չի ճանաչել ներկայացված մեղադրանքներում, գրում է Euronews-ը։
«Մենք մեզ անմեղ ենք ճանաչում առանց որևէ կասկածի»,- ասել է նրա փաստաբան Թոդ Բլանշը դատալսումների ժամանակ։
Թրամփը մեղադրվում է ԱՄՆ-ի անվտանգությունը վտանգելու համար՝ Ֆլորիդայում գտնվող Մար-ա-Լագոյի իր շքեղ նստավայրի պահարաններում և պահեստներում պահելով գաղտնի փաստաթղթեր, այդ թվում՝ ռազմական պլաններ և միջուկային զենքի մասին տեղեկություններ: Նա նաև մեղադրվում է փաստաթղթերը վերադարձնելուց հրաժարվելու համար՝ չնայած դատարանի որոշմանը, որի համար նրան մեղադրանք է առաջադրվել «ազգային անվտանգության մասին տեղեկատվությունն ապօրինի թաքցնելու», ինչպես նաև «արդարադատությանը խոչընդոտելու» և «կեղծ ցուցմունքներ տալու» համար։
Մեղադրանքների առաջադրումից հետո Թրամփը հայտարարել էր, որ այդ ամենն արվում է, որպեսզի թույլ չտրվի իր մասնակցությունն առաջիկա նախընտրական արշավին ԱՄՆ նախագահ Ջո Բայդենի հետ։
Էմմա Չոբանյան
