07.10.2026 | 23:48
Արթուր Դանիելյանը կալանավորվեց
Բորելը մտագոհություն է հայտնել ԼՂ-ում ստեղծված հումանիտար իրավիճակի հետ կապված
Քաղաքականություն
13.06.2023 | 18:49
Եվրախորհրդարանում Հայաստանի և Ադրբեջանի հարաբերություններին, ինչպես նաև Արցախում ու Լաչինի միջանցքում իրավիճակի վերաբերյալ քննարկման ժամանակ անդրադառնալով Ադրբեջանի կողմից Լաչինի միջանցքում անցակետի տեղադրման ու Լեռնային Ղարաբաղում ստեղծված հումանիտար իրավիճակի վերաբերյալ պատգամավորներից մեկի հարցին՝ ԵՄ արտաքին հարաբերությունների և անվտանգության քաղաքականության հարցերով բարձր ներկայացուցիչ Ժոզեպ Բորելը նշել է, որ և՛ ԵՄ-ի, և՛ միջազգային հանրության կողմից ջանքեր են գործադրվել՝ Ադրբեջանին ուղղված դիմումներով։
Բորելը նշել է, որ Ադրբեջանի կողմից անցակետի տեղադրումը հակասում է կողմերի միջև վստահություն կառուցելու ջանքերին։ Նա նաև մտահոգությունն է հայտնել Արցախում ստեղծված հումանիտար իրավիճակի հետ կապված։
«Կիսում եմ ձեր մտահոգությունները տուժած համայնքի հետ կապված, որտեղ սոցիալ-տնտեսական իրավիճակը լուրջ է։ Մենք անցյալ երկու տարիներին նախաձեռնել ենք տարբեր ծրագրեր հոմանիտար օգոնւթյան համար։ 17 մլն եվրո է տրամադրվել, որը, իհարկե, խնդիրները չի լուծել»,- ասել է Բորելը՝ նշելով, որ տարբեր ծրագրեր են իրականացվել՝ լուծելու հրատապ հարցերը։
Նա նաև ասել է, որ ականազերծման աշխատանքներ նույնպես տարվում են, այդ թվում՝ Հայաստանի տարածքում։
Դիտարկմանը, որ ՄԱԿ-ի Արդարադատության միջազգային դատարանն Ադրբեջանի հետ կապված որոշում է կայացրել, սակայն դրա չկատարմանը որևէ պատժամիջոց չի հետևել ԵՄ-ի կողմից, Բորելը մեկնաբանություն չի հնչեցրել։
Էմմա Չոբանյան
