06.06.2026 | 11:56
Արամ Դանիելյանից կբռնագանձվեն բնակարաններ, հողամասեր, մեքենաներ և 100 մլն դրամ
ԱՄՆ-ը պատրաստվում է Ուկրաինային Abrams տանկերի համար սպառված ուրանով արկեր փոխանցել․ WSJ
Քաղաքականություն
13.06.2023 | 19:33
ԱՄՆ նախագահի վարչակազմը կարող է հավանություն տալ ամերիկյան Abrams տանկերի համար ուկրաինական զինված ուժերին սպառված ուրանի արկերի մատակարարմանը։ Այս մասին գրում է The Wall Street Journal-ը, փոխանցում է Meduza-ն։
Լրատվամիջոցի աղբյուրներից մեկն ասել է, որ մատակարարումների շուրջ քննարկումները մի քանի շաբաթ վարչակազմում շարունակվել են, սակայն հիմա դա սկսելու համար լուրջ խոչընդոտներ չկան։
ԱՄՆ-ի նպատակը, ըստ ամերիկացի պաշտոնյաների, մարտի դաշտում Ուկրաինային հնարավորինս մեծ հաջողությունների հասնելուն օգնելն է՝ դրանով իսկ Կիևին հնարավորություն տալով Ռուսաստանի հետ խաղաղության բանակցություններ վարել ուժի դիրքերից:
Միաժամանակ, նշվում է, որ ԱՄՆ վարչակազմում կան տարաձայնություններ, թե կոնկրետ ինչպես պետք է աջակցել Ուկրաինայի զինված ուժերին։ ԱՄՆ պաշտոնյաները միակարծիք չեն Ուկրաինային կասետային զինամթերքի հնարավոր մատակարարման մասով։
Հավելենք, որ մարտին էլ Մեծ Բրիտանիայի ՊՆ-ն հայտարարել էր, որ Challenger-2 տանկերի հետ Ուկրաինա է ուղարկելու սպառված ուրանով զրահապատ արկեր։
Էմմա Չոբանյան
