Հարյուրավոր միլիոնների խախտումներ հանքարդյունաբերությունում. նախկին Կառավարության ցնցող ժառանգությունը

ՀՀ հանքերի շահագործման ուղղությամբ Գլխավոր դատախազության ուսումնասիրությունների արդյունքում մի շարք բացահայտումներ են արվել: Պարզվում է՝ Հայաստանում գործող մի քանի հարյուր հանքեր, բացի բնապահպանական վնասը, նաև պետբյուջեին են վնաս հասցնում:

2018թ. մայիսի 22-ին վարչապետ Նիկոլ Փաշինյանը ֆեյսբուքյան ուղիղ եթերում հայտարարեց, որ համապատասխան տեսչական մարմնին հանձնարարելու է ստուգումներ անել բոլոր մետաղական հանքերում, որովհետև բազմաթիվ ահազանգեր կան դրանց գործունեության առումով:

Դրանից հետո՝ մեկ ամսվա ընթացքում, երեք կարևոր բացահայտման մասին հայտարարեց Գլխավոր դատախազությունը:

Մայիսի 26-ին հայտնի դարձավ, որ էներգետիկ ենթակառուցվածքների և բնական պաշարների նախարարությունում և պետական եկամուտների կոմիտեում ուսումնասիրությունները պարզել են , որ ընդերքօգտագործողների կողմից 2013-2016թթ. ընթացքում 300 մլն ՀՀ դրամի չափով պետական տուրք չեն վճարել:

Երեք օր անց՝ մայիսի 29-ին, հայտնի դարձավ, որ 9 տասնյակ շահագործողներ չեն կատարել համայնքների նկատմամբ պարտավորությունները, որը կազմում է 270 մլն դրամ:

Հունիսի 27-ին էլ դարձյալ Գլխավոր դատախազությունը հրապարակեց, որ շրջակա միջավայրի պահպանության դրամագլխի համալրման (ռեկուլտիվացիոն) վճարների գծով 320 ընդերքօգտագործողներ շուրջ 523 միլիոն դրամի պարտավորություն ունեն:

Այսինքն, միայն մեկ ամսում հրապարակված խախտումներն այնքան շատ են, որ թվում է՝ դրանք բացահայտվել են շատ ավելի վաղ, պարզապես հիմա են հրապարակվում: Սա, իհարկե, ենթադրություն է և պատճառն այն է, որ դժվար է հավատալ, թե հնարավոր է միանգամից այսքանը բացահայտել: Բացահայտվածը փաստում է, որ ոլորտում պետական հսկողությունը եղել է խայտառակ վիճակում:

Մանրամասն՝ տեսանյութում: