14.08.2026 | 18:24
Դավիդ Թավադյանը նշանակվել է պետական գույքի կառավարման կոմիտեի նախագահ
Փաստաբան Կարեն Ալավերդյանի նկատմամբ արցունքաբեր գազ են կիրառել. Արա Զոհրաբյան․ ՏԵՍԱՆՅՈՒԹ
Հասարակություն
13.06.2023 | 12:27
Փաստաբան Կարեն Ալավերդյանի նկատմամբ արցունքաբեր գազ են կիրառել: Այս մասին այսօր հրավիրված ասուլիսում հայտնեց ՀՀ փաստաբանական ակադեմիայի ռեկտոր Արա Զոհրաբյանը:
Նշենք, որ հունիսի 7-ին Ոստիկանության կենտրոնական բաժնում փաստաբան Կարեն Ալավերդյանի նկատմամբ ոստիկանների կողմից բռնություն է կիրառվել, նա նաև ձերբակալվել է: Բռնությունը գործադրվել է այն բանից հետո, երբ փաստաբանը ոստիկանների կողմից բռնության ենթարկված իր պաշտպանյալին փորձել է մասնագիտական աջակցություն ցուցաբերել:
«Օրենքով արգելվում է, բայց փաստաբանին խուզարկում են, ծեծում են, իր նկատմամբ ձեռնաշղթա են կիրառում և արցունքաբեր գազ են կիրառում. պատկերացրեք լկտիության աստիճանը։
Սենյակում եղել են պարեկներ, որոնց վրա տեսախցիներ ամրակցված չեն եղել. պարեկն իրավունք չունի առանց տեսախցիկի հայտնվել այդ վայրում:
Փաստաբանի նկատմամբ քրեական վարույթ են հարուցել՝ խուլիգանության հատկանիշներով: Եթե փաստաբանը խուլիգանություն էր կատարում, թող նկարեին, ասեին՝ տեսեք, ձեր փաստաբանը խուլիգանություն է անում: Այստեղ հաշվերահարդար է եղել: Այսինքն՝ փաստաբանը միակ մարդն էր, որը կարող էր այդ պահին վստահորդին պաշտպանել»,- նշեց Արա Զոհրաբյանը:
Մանրամասները՝ տեսանյութում։
