16.01.2026 | 10:01
Արտարժույթների փոխարժեքները՝ հունվարի 16-ի դրությամբ
Սիրիայում Թուրքիայի հրետակոծության հետևանքով ռուս զինվորականների շրջանում կորուստներ կան
Քաղաքականություն
13.06.2023 | 14:14
Սիրիայի հյուսիսային Հալեպ նահանգում ռուս զինվորական է սպանվել, ևս մի քանիսը վիրավորվել են։ Այս մասին հայտնել են Մարդու իրավունքների սիրիական դիտորդական խումբն ու քրդական անվտանգության աղբյուրը, գրում է Reuters-ը։
Մարդու իրավունքների սիրիական դիտորդական խումբը, որը մոնիթորինգի է ենթարկում Սիրիայում հակամարտությունը, ասել է, որ ռուսները կորուստներ են ունեցել, երբ նրանց ավտոշարասյունը խոցվել է թուրքական հրետակոծության հետևանքով:
Լրատվամիջոցին անվտանգության աղբյուրը հայտնել է, որ հարձակումը տեղի է ունեցել այն շրջանից, որտեղ տեղակայված են թուրքական զորքերը, և վիրավորները բուժվել են մոտակա շրջանի հիվանդանոցում, որը վերահսկվում է քրդական ուժերի կողմից:
Ռուսաստանի Պաշտպանության նախարարությունն անմիջապես չի պատասխանել լրատվամիջոցի մեկնաբանության խնդրանքին։ Թուրքիայի ՊՆ-ն էլ հայտարարել էր, որ լուրերը, թե թուրքական ուժերը հրետակոծել են դիրքերը Հալեպի հյուսիսային շրջաններում և հարվածել ռուսական զրահամեքենային, «ճիշտ չեն»։
Սիրիայի հյուսիս-արևելքում քրդերի գլխավորած ինքնավար վարչակազմին առնչվող Ronahi TV-ի կողմից հրապարակված տեսանյութում երևում է, որ համազգեստով տղամարդիկ պատգարակներով առնվազն երկու տղամարդու տեղափոխում են ռուսական ուղղաթիռ:
Էմմա Չոբանյան
