06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
Ուկրաինան մարտերում կորցրել է Ֆինլանդիայի կողմից փոխանցված Leopard 2R վեց տանկերից երեքը
Քաղաքականություն
13.06.2023 | 13:39
Ուկրաինայի զինված ուժերը հակահարձակման ընթացքում կորցրել են առնվազն երեք Leopard 2R տանկ, որոնք Կիևին էր փոխանցել Ֆինլանդիան, հաղորդում է Meduza-ն՝ հղում անելով Helsingin Sanomat-ին։
Ֆինլանդիան Ուկրաինային, ընդհանուր առմամբ, փոխանցել է Leopard 2R վեց տանկ։
Տելեգրամյան ալիքներում հայտնվել են ռազմական գործողությունների գոտում արված լուսանկարներ, որոնցում երևում են խոցված երեք տանկերը։ Հաղորդվում է, որ նկարներն արվել են Զապորոժիեի շրջանում:
Լրատվամիջոցի՝ փաստերը ստուգող թիմի անդամ Ջոն Հելինը կարծում է, որ այս տեղեկությունը համապատասխանում է իրականությանը։
Leopard 2R տանկերն արտադրվում են Գերմանիայում․ Բեռլինն ավելի վաղ համաձայնություն էր տվել տանկերի մատակարարմանը Կիև։ ՌԴ ՊՆ-ն էլ հունիսի 6-ին առաջին անգամ հայտարարել էր Ուկրաինայում Leopard տանկերի ոչնչացման մասին։
Էմմա Չոբանյան
