07.10.2026 | 23:48
Արթուր Դանիելյանը կալանավորվեց
Ստամբուլում ռուս զբոսաշրջիկի են դանակահարել
Քաղաքականություն
12.06.2023 | 22:23
Ստամբուլի կենտրոնում գրպանահատները հեռախոսի պատճառով ռուս զբոսաշրջիկի են դանակահարել։ Haber Turk-ի փոխանցմամբ՝ վիճաբանությունը տեղի է ունեցել 40-ամյա Վյաչեսլավ Նեչիպորչուկի և չորս անձի միջև։
Անհայտ անձինք հափշտակել են տղամարդու հեռախոսը, իսկ վերջինը փորձել է դիմադրել։ Արդյունքում հանցագործները դանակի հարվածներ են հասցրել տղամարդու սրտին։ Ականատեսները շտապօգնություն են կանչել դեպքի վայր, սակայն հիվանդանոց տեղափոխված տուժածը մահացել է։
Միջադեպի մասին հայտարարություն է տարածել Ստամբուլի ոստիկանության վարչությունը։ Նշվում է, որ քննության արդյունքում պարզվել է, որ կասկածյալների և ռուս զբոսաշրջիկի միջև վիճաբանություն է եղել ծաղրելու հետևանքով։
Կասկածյալներ Շ.Յ.-ն և Ու.Ա. միջադեպից կարճ ժամանակ անց կալանավորվել են։ Մյուս կասկածյալներին որոնում են։
Էմմա Չոբանյան
