16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
ԱՄՆ-ն որոշել է վճարել 500 մլն դոլար պարտքն ու վերադառնալ ՅՈՒՆԵՍԿՕ
Քաղաքականություն
12.06.2023 | 12:24
ԱՄՆ-ն ծանուցել է ՅՈՒՆԵՍԿՕ-ին կրկին կառույցի անդամ դառնալու իր որոշման մասին։ Այս մասին հայտնում է Axios-ը վկայակոչելով Պետքարտուղարության ներկայացուցչին, փոխանցում է DW-ի ռուսական ծառայությունը։
Լրատվամիջոցի տվյալներով՝ կառավարման և ռեսուրսների գծով պետքարտուղարի տեղակալ Ռիչարդ Վերման նամակ է ուղարկել ՄԱԿ-ի մշակութային գործակալությանը։ Նախորդ տարի դեկտեմբերին ԱՄՆ կոնգրեսը հավանություն էր տվել ՅՈՒՆԵՍԿՕ-ի անդամավճարի՝ կուտակված պարտքերը մարելու համար ավելի քան 500 մլն դոլարի տրամադրմանը։ Վճարումը թույլ կտա երկրին միանալ կազմակերպությանը։
Այն բանից հետո, երբ 2011 թ-ին Պաղեստինը դարձավ ՅՈՒՆԵՍԿՕ-ի լիիրավ անդամ, Բարաք Օբամայի վարչակազմը դադարեցրել էր կազմակերպության ֆինանսավորումը։ 2017 թ-ին էլ Դոնալդ Թրամփի նախագահության օրոք, Միացյալ Նահանգների իշխանությունները, ՅՈՒՆԵՍԿՕ-ին մեղադրելով «հակաիսրայելական քաղաքականության մեջ», հայտարարել էին գործակալությունից դուրս գալու մասին։ Դրանից հետո Իսրայելը ևս հայտարարել էր, որ լքում է ՅՈՒՆԵՍԿՕ-ն։
2022 թ-ի փետրվարին Իսրայելի կառավարությունը ԱՄՆ Պետքարտուղարությանը ծանուցել էր, որը դեմ չէ Միացյալ Նահանգների՝ կազմակերպություն վերադարձին։
