23.10.2026 | 23:15
«Մանկական Եվրատեսիլ»-ի քվեարկության առաջին փուլը կմեկնարկի այս գիշեր
IQos-ին այսքան առավելություն տալով՝ տեղական արտադրողին սպանում ենք․ Արսեն Թորոսյան․ ՏԵՍԱՆՅՈՒԹ
Տնտեսություն
09.06.2023 | 15:05
ԱԺ տնտեսական հարցերի մշտական հանձնաժողովում այսօր քննարկվում էր Հայաստանի Հանրապետության Հարկային օրենսգրքում փոփոխություններ կատարելու մասին և Վարչական իրավախախտումների վերաբերյալ Հայաստանի Հանրապետության օրենսգրքում լրացումներ կատարելու մասին օրենքների նախագծերի փաթեթը․ քննարկման առարկան ՀՀ-ում կիրառվող ակցիզային հարկի դրույքաչափերի վերանայումն էր։
ՀՀ ֆինանսների նախարարի տեղակալի խոսքով՝ նախորդ տարիներին ծխախոտի արտադրանքի համար յուրաքանչյուր տարի դրույքաչափն արդեն իսկ բարձրացվել է 15 տոկոսով, այժմ առաջարկվում է հետագա երեք տարիներին՝ յուրաքանչյուր տարի ծխախոտի ակցիզային հարկը բարձրացնել 10 տոկոսով։
«Փորձում ենք հավասարակշռված լուծումներ տալ։ Մեր դիտարկումները ցույց են տալիս, որ IQos-ի սպառման ծավալները սկզբում ՀՀ-ում աճել են, հետո կայունացել են։ Եթե դրա հարկը հարաբերականորեն ցածր է, փոխարինում է ծխախոտի արտադրանքին, մենք դա չենք հանդուրժի, բայց կա այլ հանգամանք՝ այստեղ IQos-ը հարաբերականորեն էժան է, զբոսաշրջիկները մեծ ծավալներով գնում են կատարում։ Մեզ ձեռնտու չէ IQos-ի ակցիզային հարկը բարձրացնել»,- նշեց Պողոսյանը։
«IQos-ին այսքան առավելություն տալով՝ տեղական արտադրողին սպանում ենք»,- այս կարծիքը հայտնեց Քաղաքացիական պայմանագիր խմբակցության պատգամավոր Արսեն Թորոսյանը։
Մանրամասները՝ տեսանյութում։
