Իրանից ապօրինի վաճառվող ծխախոտ ունենք մեր շուկայում․ Արսեն Թորոսյան. ՏԵՍԱՆՅՈՒԹ

«Փաստորեն մենք զսպման թուլացում  ենք իրականացնում, նախկինում զսպել ենք ալկոհոլային խմիչների մասով ակցիզային հարկի տարեկան 30 % աճով և ծխախոտի դեպքում 15 % աճով, բայց դուք էլ ասացիք, որ մենք անցնում ենք 10 % անոց քայլերի»,-Հարկային օրենսգրքում և Վարչական իրավախախտումների վերաբերյալ օրենսգրքում լրացումներ կատարելու մասին օրենքների նախագծերի քննարկման ժամանակ Տնտեսական հարցերի մշտական հանձնաժողովում ասաց ՔՊ-ական պատգամովր Արսեն Թորոսյանը:

Նկատելով, որ այդ ապրանքատեսակների մասով ակցիզային հարկի բարձրացման արդյունքում բյուջեի մուտքերի ավելացում  և վնասակար սպառումի քչացումը է ապահովում՝ Թորոսյանը տարակուսեց, որ նախագծով տոկոսի նվազում է առաջարկվում:

«Ես սա այն լավ ազդակ չեմ համարում և կարծում եմ, որ պետք է խիստ հիմնավորվի այդ իջեցումը, ինչու ենք թուլացնում զսպումը»,-ասաց Թորոսյանը և նշեց, որ երբ ակցիզային հարկն ավելացվում է, ապա վնասակար այդ ապրանքների և՛ սպառումն է քչանում և հարկային եկամուտներն են ավելանում:

Պատգամավորն ընթերցեց ցուցանիշներ, որ ծխախոտի ակցիզային հարկը Հայաստանում 14 հազար դրամ է, Ռուսաստանում՝ 20 հազար , 23 հազար՝ Բելառուսում և 40 հազար դրամ՝ Իրանում:

«Այս տարածաշրջանում մենք շարունակում ենք մնալ ծխախոտային դրախտ»,-ասաց պատգամավորը։

Թորոսյանն անդրադառնալով էլեկտրոնային ծխախոտներին, հայտարարեց, թե ապացուցված չէ, որ էլէկտրոնային սիգարետները քիչ վնասակար են և անհասկանալի ու ոչ հիմնավոր համարեց էլեկտրոնային սիգարետների գնի ավելի ցածր լինելը։

Մանրամասները՝ տեսանյութում։