06.06.2026 | 13:33
Քրեական աստիճանակարգության բարձրագույն կարգավիճակ ունեցող անձը և ևս մեկ անձ ձերբակալվել են
Թուրքիայում տնտեսական ճգնաժամի ֆոնին Էրդողանը Կենտրոնական բանկի առաջին կին ղեկավարին է նշանակել
Քաղաքականություն
09.06.2023 | 23:00
Թուրքիայի նախագահ Ռեջեփ Թայիփ Էրդողանի՝ պաշտոնական տեղեկագրում հրապարակված որոշմամբ Հաֆիզե Գայե Էրքանը նշանակվել է Կենտրոնական բանկի նոր նախագահ։ 44-ամյա Էրքանը դարձել է Թուրքիայի ԿԲ-ի առաջին կին ղեկավարը, գրում է Bianet-ը։
Ավելի վաղ թուրքական լրատվամիջոցները հայտնում էին, որ ֆինանսների նորանշանակ նախարար Մեհմեթ Շիմեքը ցանկանում է, որ Էրքանը նշանակվի Կենտրոնական բանկի նախագահ, նույնիսկ հանդիպել է նրա հետ։
Էրքանը 2001 թվականին ավարտել է Ստամբուլի Բողազիչիի համալսարանի արդյունաբերական ճարտարագիտության բաժինը։ Նա ուսումը շարունակել է ԱՄՆ-ում՝ 2005 թվականին ավարտելով Փրինսթոնի համալսարանը։ Էրքանը նաև տարբեր ծրագրերի է մասնակցել Հարվարդի բիզնես դպրոցում և Սթենֆորդի համալսարանում, զբաղեցրել է մի շարք բարձր պաշտոններ, այդ թվում՝ Goldman Sachs-ում և Սան Ֆրանցիսկոյում գործող First Republic Bank-ում։
2019-ին Էրքանն ընդգրկվել է Քրեյնի՝ բանկային և ֆինանսների ոլորտում լավագույն կանանց և ամերիկյան բանկիրների կանանց ցուցակում։ Ակնկալվում է, որ նրա նշանակումը շուկաներին ցույց կտա, որ երկրի տնտեսական քաղաքականությունը կկարգավորվի և երկիրը կհեռանա Էրդողանի՝ ցածր տոկոսադրույքների քաղաքականությունից։
Էմմա Չոբանյան
