24.11.2024 | 14:02
Ավտոմեքենայի դուռը փակվել է, 1-ամյա երեխան մնացել է ներսում․ օգնել են փրկարարները
ԱՄՆ դեսպանն այցելեց Տեղ․ Բաքվին ասվում է՝ ՀՀ-ն մեզ հետաքրքիր է. Ադրբեջանը կնկատի Վաշինգտոնի այս ուղերձը․ Միքայել Զոլյան․ ՏԵՍԱՆՅՈՒԹ
Քաղաքականություն
08.06.2023 | 21:02
Թուրքիայի ԱԳ նախարար Մևլութ Չավուշօղլուն, որը նախընտրական փուլում հակահայկական հայտարարություններ էր անում, հեռացվեց պաշտոնից։ Նրան փոխարինել է Հաքան Ֆիդանը, ում հետ արդեն զրուցել է Արարատ Միրզոյանը։ Ըստ ՀՀ ԱԳՆ-ի՝ կողմերն արտահայտել են պատրաստակամություն՝ շարունակելու աշխատել 2 երկրների միջև հարաբերությունների ամբողջական կարգավորման ուղղությամբ:
Միրզոյանից բացի՝ նաև ԱՄՆ պետքարտուղար Բլինքենն է շնորհավորել թուրք ԱԳ նախարար Հաքան Ֆիդանին պաշտոնը ստանձնելու կապակցությամբ։ Բլինքենը և Ֆիդանը քննարկել են նաև Թուրքիայի և Հայաստանի, Ադրբեջանի և Հայաստանի միջև հարաբերությունների կարգավորումը։ Երբ ԱՄՆ պետքարտուղարը ՆԱՏՕ-ին Շվեդիայի անդամակցության, Թուրքիայի կողմից ԱՄՆ-ից F-16 կործանիչների ձեռքբերման, Ուկրաինայի հացահատիկային համաձայնագրի հարցերի հետ մեկտեղ նաև այս հարցերն է քննարկում, սա ի՞նչ է ասում ԱՄՆ-ի մոտիվացիաների, նաև հայկական թեմաների՝ ԱՄՆ-ի համար կարևոր լինել-չլինելու մասով՝ Factor TV-ին տված հարցազրույցում հետաքրքրվեցինք քաղաքագետ Միքայել Զոլյանից։
«Այո՛, հակահայ կոշտ հայտարարություններով հայտնի Չավուշօղլուն հեռացավ, նա պահանջել էր հանել Նեմեսիսի արձանը։ Նոր նախարարի նշանակումը հնարավորություն կտա Թուրքիային մոռանալ դա և առաջ գնալ։ Այսօր ՀՀ-Թուրքիա հարաբերությունների կարգավորման հարցում շատ բան է կախված նաև Բաքվից և Վաշինգտոնից։ ՀՀ-ի թեման ԱՄՆ-Թուրքիա հարաբերություններում կարևոր է, սա նոր փուլ է։ ԱՄՆ-ն ունի լծակներ Թուրքիայի վրա, ԱՄՆ-ի տեսլականն է՝ ՀՀ-Թուրքիա հարաբերությունները կարգավորվեն, սահմանը բացվի։ Բայց Թուրքիան չի շտապում դա անել, բայց նաև ԱՄՆ-ն ունի լծակներ նրա վրա։ ԱՄՆ-ի այս ակտիվությունից պետք է օգտվել՝ հիմա ԱՄՆ-ը լրջորեն հետաքրքրված է ՀՀ-ով։ Տարիներ շարունակ մենք գոռացել ենք Թուրքիայի վրա՝ ՌԴ-ի վրա հույս դնելով, որ կփրկի մեզ, և անվտանգության ոլորտը պատվիրակել ենք ՌԴ-ին։ Կարելի է ասել, որ մեր միֆերի շուրջ կոնսենսուս կար, բայց 2016 և 2020 թվականների պատերազմներից հետո փոխվեցին մեր միֆերը, և իրատեսական դարձանք»,- նշեց նա։
Հարցազրույցն ամբողջությամբ՝ տեսանյութում։
Ռոբերտ Անանյան
