06.06.2026 | 15:15
Մոտ 100 ընտրողի տրվել է 100 հազարից մինչև 500 հազար դրամ ընտրակաշառք․ 40 անձ ձերբակալվել է
Մայիսին Մոսկվայի վրա ԱԹՍ-ներով հարձակման թիրախները կարող էին լինել հետախուզության աշխատակիցների տները․ NBC
Քաղաքականություն
07.06.2023 | 22:31
Մայիսի 30-ին Մոսկվայի վրա արձակված անօդաչու սարքերը կարող էին թիրախավորել այն տները, որտեղ ապրում են ռուսական հետախուզության աշխատակիցները: Այս մասին հայտնում է NBC-ն՝ հղում անելով ԱՄՆ Կոնգրեսի անանուն պաշտոնյային և աղբյուրին, փոխանցում է BBC-ի ռուսական ծառայությունը։
Նշվում է, որ անօդաչու թռչող սարքի կողմից հարձակման ենթարկված բազմաբնակարան շենքերից առնվազն մեկը կապված է Ռուսաստանի արտաքին հետախուզության ծառայության հետ։ Այս մասին լրատվականին ասել են Strider Technologies ընկերությունից, որը զբաղվում է բաց աղբյուրների հիման վրա տվյալների հավաքմամբ։
Այս վարկածը հակասում է ՌԴ ՊՆ հայտարարություններին, որոնք պնդում էին, որ բարձրահարկ շենքերին հասած անօդաչու սարքերը չեն հասել իրենց նպատակներին՝ ռադիոէլեկտրոնային միջոցների արդյունավետ աշխատանքի շնորհիվ։ Երեք անօդաչու թռչող սարքեր, որոնք, ըստ զինվորականների, խոցվել էին, հարվածել էին Մոսկվայի բնակելի շենքերին՝ Լենինի պողոտայում, Պրոֆսոյուզնայա փողոցում և Նոր Մոսկվայի Ատլասովա փողոցում:
Էմմա Չոբանյան
