Քաղաքականություն
05.06.2023 | 21:09
ԱՄՆ նախագահի Ազգային անվտանգության հարցերով խորհրդական Ջեյք Սալիվանը CNN International-ի հետ զրույցում անդրադարձել է նաև Թուրքիային։ Նա պատասխանել է նախընտրական գործընթացի ժամանակ հակաամերիկյան հռետորաբանության և Անկարայի կողմից ռուսական պաշտպանական համակարգեր գնելու մասին լրագրող Ֆարիդ Զաքերիայի հարցին։
«Նման հռետորանաբանությունը կրկնվում է մինչ օրս, պետք չէ չափազանցնել այն մեկնաբանությունները, թե Թուրքիան հակաամերիկյան է»,- ասել է Սալիվանը։
Նա նշել է, թե համաձայն չէ, որ Թուրքիան դիրքավորվել է Արևմուտքի դեմ։
Օրինակ բերելով ռուս-ուկրաինական պատերազմում Թուրքիայի քաղաքականությունը՝ Սալիվանն ասել է. «Նրանք փորձել են հարաբերություններ հաստատել Ուկրաինայի հետ բոլոր մակարդակներում՝ աջակցելու ուկրաինացիների ինքնապաշտպանական ջանքերին»։
Նա նաև նշել է, որ Թուրքիան ՄԱԿ-ի քվեարկությունների ժամանակ քվեարկել է Ուկրաինայի անկախության և տարածքային ամբողջականության օգտին։
Էմմա Չոբանյան
