21.01.2026 | 23:30
Ինչ իրավիճակ է Հայաստանի ճանապարհներին և Լարսում
Թուրքիայում արտադրվել է հակադրոնային համակարգ
Տնտեսություն
03.07.2018 | 23:03
Առաջիկայում Թուրքիայի զինված ուժերի շահագործմանն է հանձնվելու թուրքական «Kapan» հակադրոնային համակարգը, որը ոչնչացնում է հակառակորդի անօդաչու թռչող սարքերը (ԱԹՍ). փոխանցում է ermenihaber-ը:
Համակարգի արտադրությամբ զբաղվել են թուրքական ռազմարդյունաբերական «Meteksan», «SDT» և «Tamgör Elektronik» ընկերությունները։
«Meteksan» ընկերության ներկայացուցիչ Բուրաք Աքբաշը լրագրողների հետ զրույցում տեղեկացրել է, որ այս համակարգերը գործում են թե՛ գիշերային, թե՛ ցերեկային ժամերին։
Համակարգը հագեցած է նաև լազերային զենքով։ Այն ունի ԱԹՍ-ների էլեկտրոնային համակարգերում խափանումներ առաջացնելու հատուկ հնարավորութուն:
«Kapan» հակադրոնային համակարգը ԱԹՍ-ները հայտնաբերում է 2.5կմ հեռավորությունից, իսկ խոցում՝ 500 մետրից։
