01.04.2026 | 20:43
Ալեքսան Ալեքսանյանը՝ ՌԴ ԱՀԾ գործակալ լինելու հրապարակման մասին
Լրագրող Արփի Մախսուդյանի գործով բողոքը վերաքննիչ դատարանը մերժեց. ՀՔԱՎ
Հասարակություն
03.07.2018 | 21:16
Այսօր՝ 2018 թ. հուլիսի 3-ին, ՀՀ Վերաքննիչ քրեական դատարանը մերժեց լրագրող Արփի Մախսուդյանի և ՀՔԱ Վանաձորի գրասենյակի նախագահ Արթուր Սաքունցի բողոքը:
Դատարան բողոք էր ներկայացվել անցած տարվա մայիսին լրագրողի տուն մտած ոստիկանների գործողությունների վերաբերյալ հաղորդման հիման վրա հարուցված քրեական գործը կարճելու՝ 2017 թ. հունիսի 27-ի որոշման դեմ:
Հիշեցնենք՝ ոստիկանության աշխատակիցները լրագրողի տուն էին մտել 2017 թ. մայիսի 11-ին՝ 7:30-ի սահմաններում և փորձել խուզարկություն իրականացնել: Դիմադրության հանդիպելով՝ սպառնացել են բաժին տանել Ա. Մախսուդյանի սկեսրայրին, ահաբեկել են տան անդամներին և միայն երբ լրագրողը փորձել է զանգահարել իրավաբանին, սպառնալիքներ հնչեցնելով՝ հեռացել են:
