08.10.2026 | 09:59
Կառավարության նիստը՝ ՈՒՂԻՂ
Հնդկաստանում գնացքներ են բախվել․ պատահարն առնվազն 30 մարդու կյանք է խլել
Քաղաքականություն
02.06.2023 | 21:50
Հնդկաստանում բախվել են մարդատար և բեռնատար գնացքներ, որի հետևանքով առնվազն 30 մարդ է զոհվել, «ՌԻԱ Նովոստի»-ի փոխանցմամբ՝ հայտնում է Hindustan Times-ը:
Ավելի վաղ հաղորդվել էր, որ գնացքների բախման հետևանքով վնասվածքներ է ստացել առնվազն 179 մարդ:
Ողբերգական պատահարը տեղի է ունեցել տեղական ժամանակով 19:20-ին՝ Հնդկաստանի Բալասոր քաղաքից ոչ հեռու: Ուղևորատար գնացքը Կալկաթայից Չեննայ էր ուղևորվում։
Փրկարարական գործողությանը մասնակցում են տարերային աղետների հետևանքների վերացման ազգային ուժերի ավելի քան հարյուր աշխատակիցներ, որոնք փնտրում են տուժածներին: Աղբյուրի փոխանցմամբ՝ շատ ուղևորներ, հնարավոր է, գնացքի շրջված վագոնների տակ են մնացել։
