18.03.2026 | 23:19
1-ամյա երեխայի սպանության փորձ կատարելու մեջ մեղադրվող խորթ մայրը կալանավորվեց
Սեփականության իրավունքի համատարած խախտում ունենք․ ՄԻՊ-ը սահմանամերձ բնակավայրերի մասին․ ՏԵՍԱՆՅՈՒԹ
Հասարակություն
02.06.2023 | 18:08
ՀՀ մարդու իրավունքների պաշտպանի աշխատակազմն ու Հայաստանում ՅՈՒՆԻՍԵՖ-ի գրասենյակը Գեղարքունիքի մարզի Վարդենիս խոշորացված համայնքի Սոթք բնակավայրում անցկացրել են «Երեխաների հետ՝ երեխաների համար» թեմայով հանդիպում-քննարկում: Հունիսի 1-ի առթիվ կազմակերպված միջոցառմանը մասնակցել է մարզի սահմանամերձ բնակավայրերից ավելի քան 170 երեխա՝ ընդհանուր մոտ 230 մարդ, այդ թվում՝ պետական և տեղական ինքնակառավարման մարմինների ներկայացուցիչներ: Մարդու իրավունքների պաշտպանության և հանրային հարցերի ու Ֆինանսավարկային և բյուջետային հարցերի մշտական հանձնաժողովների համատեղ նիստում Մարդու իրավունքների պաշտպանի գրասենյակի աշխատակազմի 2022 թվականի պետական բյուջեի կատարման հաշվետվության քննարկման ժամանակ, պատասխանելով պատգամավորների հարցերին, այս մասին հայտնեց ՀՀ Մարդու իրավունքների պաշտպան Անահիտ Մանասյանը։ Նրա խոսքով՝ երեխաների հետ առանձին խմբերով քննարկումներ են անցակցվել՝ կարևոր թեմաների վերաբերյալ։
«Մարդու իրավունքների տեսանկյունից վատ իրավիճակ ունենք սահմանամերձ բնակավայրերում, որը պայմանավորված է ադրբեջանական ԶՈւ-ի կողմից ՀՀ ինքնիշխան տարածքում անօրինական ներկայությամբ։
Համատարած խախտվում է մարդկանց կյանքի իրավունքը, ամենաօրյա, նույնիսկ ամեն վայրկյան անվտանգության խնդիր կա։ Սեփականության իրավունքի համատարած խախտում ունենք․ մարդիկ չեն կարողանում օգտվել իրենց հողատարածքներից և իրենց հիմնական զբաղվածությունն ապահովել՝ հողագործությամբ, անասնապահությամբ զբաղվել, խախտվում է երեխաների կրթության իրավունքը․ դպրոցները գտնվում են թշնամու դիրքերի նշանառության ներքո։
Մանրամասները՝ տեսանյութում։
