«Ներդրումները որքանով են արդյունավետ լինելու սերունդների համար՝ հաշվի առնելով, թե որքան վարկեր պետք է նրանք փակեն»․ Դավիթ Ամիրյան․ ՏԵՍԱՆՅՈՒԹ

Հայաստանում մեկնարկած դպրոցների օպտիմալացման ծրագրում կան որոշակի բացթողումներ,  և այդ  հարցերին պետք է տրվեն հստակ պարզաբանումներ, պետք է արվեն առաջարկություններ, որոնք կլինեն մանրամասն քննարկելի՝ հատկապես հաշվի առնելով, որ իշխանափոխությունից հետո ՀԿ-ների և նախարարությունների միջև արձանագրվել է հարաբերությունների փոփոխություն և կա պատրաստակամություն՝ միմյանց լսելու։ 

Այս մասին այսօր «Դպրոցների օպտիմալացումը ՀՀ-ում» թեմայով զեկույցի շնորհանդեսին ասաց «Բաց հասարակության հիմնադրամներ-Հայաստան» գրասենյակի ծրագրերի գծով փոխտնօրեն Դավիթ Ամիրյանը։ 

Վերջինս շնորհանդեսի կամակերպիչներից հետաքրքվեց՝ ինչպես է հանրային քաղաքականության ինստիտուտը պատկերացնում իր հետագա քայլերը, և արդյոք հնչեցված առաջարկությունները պետք է քննարկվեն դրսից փորձագետների հետ։

Դավիթ Ամիրյանը խոսեց նաև առաջարկվող կրթական բարեփոխումների համար ծախսվող ֆինանսական միջոցների և դրանց արդյունավետության խնդրի մասին․ «Կա երկրի բյուջ, կան ֆինանսներ, որքան փող ենք խնայելու, որքան գումար է արդյունավետ ծախսվելու, ներդրումները որքանով են արդյունավետ լինելու՝ հատկապես հետագա սերունդների համար՝ հաշվի առնելով, թե որքան վարկեր պետք է նրանք փակեն։ Ինչպես եք պատկերցնում այս գործընթացը, ինչ ուղղություններով է այն իրականացվելու,– «Դպրոցների օպտիմալացումը ՀՀ-ում» թեմայով զեկույցի ժամանակ իր մտահոգությունները բարձրաձայնեց Դավիթ Ամիրյանը։

Մանրամասները՝ տեսանյութում։