06.08.2026 | 17:50
Անկանոն երթևեկող «Նիվան» տեղափոխվել է հատուկ պահպանվող հատուկ տարածք
Պլանավորում ենք դիմել Ծանրամարտի աշխարհի առաջնությունը Հայաստանում անցկացնելու համար․ Անդրեասյան․ ՏԵՍԱՆՅՈՒԹ
01.06.2023 | 12:34
ՀՀ կառավարությունն առաջարկում է Երևանի Ծիծեռնակաբերդի խճուղի 5 հասցեում տեղակայված Կարեն Դեմիրճյանի անվան մարզահամալիրը հանել մասնավորեցման ենթակա պետական գույքի ցանկից։
ՀՀ կրթության, գիտության, մշակույթի և սպորտի նախարար Ժաննա Անդրեասյանը կառավարության նիստում հայտնեց, որ մարզահամալիրը նախատեսվում է հիմնանորոգել և վերածել հավաքական թիմերի մարզման կենտրոնի, քանի որ Հայաստանում հավաքական թիմերի մարզումների համար նախատեսված մարզական հնարավորությունները խիստ սահմանափակ են։
Նախնական հաշվարկներով` համալիրի հիմնանորոգումն ու նախագծանախահաշվային փաստաթղթերի փորձաքննությունը կարժենա 2 299 750 340 դրամ:
«Քանի որ պլանավորում ենք դիմել մի քանի խոշոր մրցաշարեր, օրինակ՝ Ծանրամարտի աշխարհի առաջնությունը Հայաստանում անցկացնելու համար, ապա ցանկալի է, որպեսզի այս ենթակառուցվածքը մեկ-երկու տարվա ընթացքում պատրաստ լինի, կարողանանք ամբողջությամբ օգտագործել»,- նշեց Անդրեասյանը։
Մանրամասները՝ տեսանյութում։
