06.06.2026 | 19:42
«10 հոգի գալում ենք միտինգի». նոր գաղտնալսում ընտրակաշառքի գործով
Հանրապետականներն ու դեմոկրատները կողմ են քվեարկել ԱՄՆ պետական պարտքի սահմանաչափը բարձրացնելու օրինագծին
Քաղաքականություն
01.06.2023 | 12:21
ԱՄՆ Կոնգրեսի ստորին պալատը օրենք է ընդունել ազգային պարտքի սահմանաչափի բարձրացման մասին, որը կօգնի խուսափել դեֆոլտից և մոտ ապագայում կանխել ֆինանսական ճգնաժամը, գրում է Euronews-ը։
ԱՄՆ Կոնգրեսի ստորին պալատը, որում ձայների մեծամասնությունը պատկանում է հանրապետականներին, հավանություն է տվել ազգային պարտքի վերին շեմի մասին օրինագծին։ Այսպիսով՝ ֆինանսական ճգնաժամի հանգուցալուծման հիմնական խոչընդոտը վերացվել է. եթե պետական պարտքի շեմը չբարձրացվեր մինչև հունիսի 5-ը, կառավարությունը ստիպված կլիներ տեխնիկական դեֆոլտ հայտարարել։
Ներկայացուցիչների պալատում բանաձևին «կողմ» է քվեարկել պատգամավորների երկու երրորդը։ Այժմ այն պետք է հաստատվի Սենատի կողմից, որը կապահովի սուբսիդիաների շարունակական վճարումը բնակչության այն շերտերին, ովքեր սոցիալական աջակցության կարիք ունեն։ Բացի այդ, դեֆոլտից խուսափելը կկանխի ֆինանսական ցնցումները երկրի ներսում և արտերկրում:
Սա այն հազվագյուտ դեպքերից է, երբ Կոնգրեսում օրենքի նախագիծը հավասարապես պաշտպանվել է թե՛ հանրապետականների, թե՛ դեմոկրատների կողմից։ Քվեարկությունն ապացուցում է, որ նախագահ Ջո Բայդենը և Ներկայացուցիչների պալատի խոսնակ Քևին Մաքքարթին կարողացել են ստանալ քաղաքական կենտրոնի աջակցությունը:
Տաթև Ֆռանգյան
