14.08.2026 | 23:22
Հուլիսին Ուկրաինայում զոհվել է առնվազն 437 խաղաղ բնակիչ՝ ամենաբարձր ցուցանիշը 2022-ից ի վեր. ՄԱԿ
ՌԴ-ի և Ադրբեջանի ԱԳ փոխնախարարները տարածաշրջանային ու միջազգային հարցեր են քննարկել
Քաղաքականություն
31.05.2023 | 21:45
Այսօր Մոսկվայում խորհրդակցություններ են անցկացվել Ռուսաստանի Դաշնության արտաքին գործերի փոխնախարար Միխայիլ Գալուզինի և Ադրբեջանի ԱԳ փոխնախարար Խալաֆ Խալաֆովի միջև։
ՌԴ ԱԳՆ-ի հաղորդմամբ՝ «դաշնակցային ոգով» մանրամասն քննարկվել են ռուս-ադրբեջանական համագործակցության վիճակը և հեռանկարները, ներառյալ՝ ընթացիկ օրակարգի ամենաարդիական հարցերը։
«Մանրամասն մտքերի փոխանակում է իրականացվել մի շարք տարածաշրջանային և միջազգային թեմաների շուրջ։ Մայիսի 25-ին Մոսկվայում Եվրասիական բարձրագույն տնտեսական խորհրդի շրջանակում Ռուսաստանի, Ադրբեջանի և Հայաստանի ղեկավարների շփումների լույսի ներքո հատկապես ընդգծվել է նրանց կողմից ձեռք բերված բոլոր եռակողմ պայմանավորվածությունների հետևողական իրականացման կարևորությունը»,- ասվում է հաղորդագրությունում։
Էմմա Չոբանյան
