14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Մոլդովայի նախագահը հաստատել է պաշտոնում վերընտրվելու մտադրությունը
Քաղաքականություն
31.05.2023 | 21:19
Մոլդովայի նախագահ Մայա Սանդուն հաստատել է 2024 թվականին կայանալիք նախագահական ընտրություններում նոր նախագահական ժամկետի համար առաջադրվելու ծրագրերը և հույս հայտնել, որ Մոլդովան Եվրամիությանն անդամակցելու է մինչև 2030 թվականը: Այս մասին հայտնում է NewsMaker-ը։
Նա ընդգծել է, որ Մոսկվան փորձում է ապակայունացնել իրավիճակը Մոլդովայի Հանրապետությունում։ Սակայն երկիրը կարող է ԵՄ մտնել առաջիկա յոթ տարում։ Ըստ Սանդուի՝ պատրաստվում է հաջորդ տարի վերընտրվել՝ պահպանելու եվրոպամետ տրամադրությունները և խուսափելու աջակցության անկումից՝ Մոսկվայի ուղեծրից դուրս գալու պատճառով:
Սանդուն համոզված է, որ անջատողական հակամարտությունից ելքի բանալին տնտեսական բարեփոխումների շարունակությունն է և կոռուպցիայի դեմ պայքարը։
«Սա 2,6 միլիոնանոց երկիրը՝ Եվրոպայում ամենաաղքատներից մեկը, կդնի ԵՄ անդամակցության հստակ ուղու վրա: Եվ դա ցույց կտա Մերձդնեստրի ժողովրդին, որ հենց ԵՄ-ի, այլ ոչ թե Ռուսաստանի հետ կապը շահավետ կլինի նրանց կյանքի համար»,- ասել է Սանդուն։
Տաթև Ֆռանգյան
