10.10.2026 | 19:47
Քննարկվել են Հայաստանում կախվածությունների կանխարգելման և բուժման ուղղությամբ իրականացվող աշխատանքները
«Ոստիկանության կողմից բավարար գործողություններ չկան»․ «Լիդիան ինթերնեյշնլի» իրավախորհրդատու. ՏԵՍԱՆՅՈՒԹ
Հասարակություն
03.07.2018 | 14:39
«Լիդիան ինթերնեյշնլ» ընկերության կայուն զարգացման գծով փոխնախագահ Արմեն Ստեփանյանը և իրավական խորհրդատու Արմեն Մելքումյանն այսօր լրագրողների հետ զրույցում անդրադարձան վերջին օրերին կազմակերպվող ակցիաներին։
Ըստ Արմեն Մելքումյանի՝ խախտվել է ընկերության ազատ տնտեսական գործունեություն իրականացնելու իրավունքը, 1500 աշխատող չի կարողանում իրականացնել պայմանագրով սահմանված պարտավորությունները: Ոստիկանությունը բավարար գործունեություն չի իրականացնում, և ընկերությունն ամեն օր ֆինանսական մեծ վնաս է կրում։
Մելքումյանը կոչ արեց Կառավարությանը և վարչապետին այս խնդիրն ուսումնասիրել, իսկ դրա համար առաջարկում են ստուգումներն սկսել հենց իրենց ընկերությունից։
Արմեն Մելքումյանը նշեց նաև, որ խնդրի կարգավորման հարցում սպասելիքներ ունեն նաև ոստիկանությունից․ «Դժգոհ ենք ոստիկանների աշխատանքից, կա 10-15 անձ, որոնց գործողությունները քրեական հոդվածներ են ենթադրում, մարդկանց իրավունքներ են խախտվում, ոստիկանության կողմից բավարար գործողություններ չկան»:
«Լիդիան ինթերնեյշնլ» ընկերության կայուն զարգացման գծով փոխնախագահ Արմեն Ստեփանյանն էլ հավելեց, որ պատրաստ են բաց և թափանցիկ քննարկման։
Մանրամասները՝ տեսանյութում։
