16.09.2026 | 00:14
Կռվախնձոր դարձած դուռն ու արտահերթ ընտրությունների նախերգանքը․ Գյումրիի ավագանու նիստը լարվեց. ՏԵՍԱՆՅՈՒԹ
Սերբիան զորքեր է տեղակայել Կոսովոյի հետ վարչական սահմանին
Քաղաքականություն
29.05.2023 | 23:15
Կոսովոյի հյուսիսում բախումներ են․ սերբերով բնակեցված մունիցիպալիտետների բնակիչները բողոքում են էթնիկ ալբանացիների դեմ, որոնք դարձել են տարածաշրջանային ղեկավարներ:
Ինչպես տեղեկացնում է Euronews-ը՝ սերբերի հետ բախումներում վիրավորվել է ՆԱՏՕ-ի ռազմական առաքելության մոտ 25 ներկայացուցիչ։ Երեքը ծայրահեղ ծանր վիճակում են։
ՆԱՏՕ-ն հատուկ կոմյունիկեում «կտրականապես դատապարտել է ՆԱՏՕ-ի ռազմական առաքելության մարտիկների վրա չհրահրված հարձակումները» և պահանջել է «բռնության անհապաղ դադարեցում»:
Սերբերը արգելափակում են մունիցիպալ շենքերը՝ թույլ չտալով այնտեղ մտնել նորընտիր ղեկավարներին, Կոսովոյի ոստիկանությունը ուժային միջոցներ է կիրառում ցուցարարներին ցրելու համար։ Հաղորդվում է, որ տասնյակ սերբեր դիմել են բժշկական օգնության։
Ավելի վաղ Սերբիայի վարչապետ Անա Բրնաբիչը հանդես էր եկել ՆԱՏՕ-ի ռազմական առաքելության ներկայացուցիչների հասցեին մեղադրանքներով. «Այսօր ՆԱՏՕ-ի ռազմական առաքելությունը չի պաշտպանում մարդկանց, չի պաշտպանում ժողովրդավարությունը, չի պաշտպանում սկզբունքները: Այսօր նրանք պաշտպանում են ուզուրպատորներին ժողովրդավարությունից և հասարակ մարդկանցից։ Բայց մենք պետք է շարունակենք պահպանել խաղաղությունը»։
Նույն կերպ է արտահայտվել նաև Սերբիայի նախագահ Ալեքսանդր Վուչիչը։ Նրա խոսքով՝ ՆԱՏՕ-ի հովանու ներքո գործող միջազգային անվտանգության ուժերը Կոսովոյի և Մետոխիայի հյուսիսում չեն պաշտպանել սերբերին:
Վուչիչը նաև հայտարարել է Կոսովոյի հետ սահմանին բանակի տեղակայման մասին։ Միևնույն ժամանակ, Սերբիայի նախագահն ընդգծել է, որ Կոսովոյում սերբերը չպետք է հակամարտության մեջ մտնեն ՆԱՏՕ-ի ներկայացուցիչների հետ:
Կոսովոյի հյուսիսում տեղական իշխանությունները հայտնվել են ալբանացիների վերահսկողության տակ, քանի որ սերբերը բոյկոտել են տեղական ընտրությունները:
Բոյկոտը պայմանավորված էր նրանով, որ Կոսովոյի իշխանությունները հրաժարվել էին սերբական մունիցիպալիտետների համայնքի ստեղծումից, որը նախատեսված էր Բելգրադի և Պրիշտինայի միջև համաձայնագրերով:
