24.11.2024 | 21:56
Միակն ու անկրկնելին. ՀՀ-ում Ֆրանսիայի դեսպանի արձագանքը՝ Ադրբեջանի տարածքային պահանջներին
ՌԴ-ից հեռացած օտարերկրյա ընկերությունները երկրից շուրջ 36 մլրդ դոլար են դուրս բերել
Քաղաքականություն
29.05.2023 | 23:30
Ռուսաստանից հեռացած օտարերկրյա ներդրողները մեկ տարվա ընթացքում վաճառելով իրենց բիզնեսը՝ երկրից շուրջ 36 մլրդ դոլար են դուրս բերել։ Այս մասին հայտարարել է БКФ բանկի վերլուծական բաժնի ղեկավար Մաքսիմ Օսադչին, գրում է DW-ի ռուսական ծառայությունը։
Նա վերլուծել է Կենտրոնական բանկի տվյալները, որոնց համաձայն՝ 2022 թվականի մարտից մինչև 2023-ի մարտն ընկած ժամանակահատվածում Ռուսաստանից հեռացած ընկերությունների կողմից իրականացվել է ակտիվների վաճառքի 200 գործարք։ Սակայն նրանց միայն 20 տոկոսն է ազատվել 100 միլիոն դոլարից ավելի ակտիվներից։
«Պարետոյի 80/20 կանոնի համաձայն՝ ակտիվների չափի հետ կապված, կարելի է Ռուսաստանից օտարերկրյա ներդրողների դուրս բերած կապիտալը գնահատել 36 մլրդ դոլարի մակարդակում»,- ասել է Օսադչին։
Կենտրոնական բանկն ավելի վաղ հայտարարել էր, որ ազգային մասշտաբով օտարերկրյա ներդրողների կողմից ռուսական ակտիվների վաճառքի ազդեցությունը ներքին շուկայում սահմանափակ է։ Դա կապված է նրա հետ, որ նման գործարքների մեծ մասը ենթադրում է անհրաժեշտ արտոնագրերի ու պատենտների պահպանում։
Հիշեցնենք, որ օտարերկրյա ներդրողները սկսել են ՌԴ-ից գնալ անցյալ տարվանից՝ Ուկրաինա ռուսական ներխուժումից և Արևմուտքի կողմից հակառուսական պատժամիջոցների ընդլայնումից հետո։
Էմմա Չոբանյան
