11.08.2026 | 22:04
Օգոստոսի 15-ը ռիսկայի՞ն կլինի Եվրոպայի համար․ Բրյուսելն ու Մադրիդը զգուշացնում են Սեուտա անօրինական մուտք գործել ցանկացողներին
Մահացել է մի ողջ հայ ընտանիք. Վթար՝ Ռուսաստանում
02.07.2018 | 22:15
Հայտնում ենք, որ ՌԴ Լիպեցկի մարզի ՆԳՆ վարչությունից ստացված տեղեկատվության համաձայն, ս/թ․ հուլիսի 1-ին (ժամը՝ 16։00-ի շրջանում) Լիպեցկ-Դանկով մայրուղու վրա տեղի է ունեցել ավտովթար ՀՀ քաղաքացիների մասնակցությամբ։ Իրար են բախվել «Hyundai Sonata» և «Volkswagen Passat» մակնիշի մեքենաները։
Վթարի հետևանքով՝ «Volkswagen Passat»-ում գտնվող հինգ ՀՀ քաղաքացիների ընտանիքից չորսը, նրանց թվում՝ երկու մանկահասակ երեխա, զոհվել են։
Հայտնում ենք նաև, որ նշյալ մեքենայի հինգերորդ ուղևորը՝ 8-ամյա երեխան, տեղափոխվել է Լիպեցկի մարզային մանկական հիվանդանոց։
ՌԴ-ում ՀՀ դեսպանությունը կապ է հաստատել բուժհաստատության հետ։ Ըստ ստացված տեղեկատվության՝ երեխայի վիճակը գնահատվում է որպես ծայրահեղ ծանր։
