09.09.2026 | 12:23
Ուկրաինական ԱԹՍ-ները գրոհել են Նովոռոսիյսկը․ զոհվել է 4, վիրավորվել՝ 29 մարդ
Ցավոք, Լաչինի միջանցքի արգելափակումը տեղի ունեցավ ռուս խաղաղապահների ներկայությամբ․ Փաշինյանը՝ Պուտինին․ ՏԵՍԱՆՅՈՒԹ
Քաղաքականություն
25.05.2023 | 22:50
Իրավիճակը Լեռնային Ղարաբաղում և Լաչինի միջանցքում Ադրբեջանի գործողությունների պատճառով շարունակում է լարված մնալ, տարածաշրջանում հումանիտար իրավիճակը սրվել է։ Ցավոք, Լաչինի միջանցքի արգելափակումը տեղի է ունեցել ռուս խաղաղապահների ներկայությամբ։ Այս մասին Մոսկվայում ՌԴ նախագահ Վլադիմիր Պուտինի հետ հանդիպմանը հայտարարել է ՀՀ վարչապետ Նիկոլ Փաշինյանը, փոխանցում է ՏԱՍՍ-ը։
«Տարածաշրջանային իմաստով, իհարկե, մենք ունենք բավականին լարված իրավիճակ Լեռնային Ղարաբաղում և Լաչինի միջանցքում։ Չնայած 2020 թվականի նոյեմբերի 9-ի եռակողմ հայտարարությանը՝ Ադրբեջանն ապօրինաբար արգելափակել է Լաչինի միջանցքը, ինչի հետևանքով Լեռնային Ղարաբաղը հայտնվել է հումանիտար ճգնաժամի մեջ։ Արգելափակված են բնական գազի և էլեկտրաէներգիայի մատակարարումները Լեռնային Ղարաբաղ, ինչը սրում է հումանիտար իրավիճակը»,- ընդգծել է նա։
Փաշինյանը հավելել է, որ «պարենամթերքի և ապրանքների մատակարարումները Լեռնային Ղարաբաղ բարդ են», ռուս խաղաղապահներն օգնում են խնդրի լուծմանը։
«Ցավոք, Լաչինի միջանցքի արգելափակումը տեղի է ունեցել ռուս խաղաղապահների ներկայությամբ»,- ասել է նա։
Տաթև Ֆռանգյան
