08.04.2026 | 22:14
Արփինե Սարգսյանը պարգևատրել է Փրկարար ծառայության և Ոստիկանության լավագույն ծառայողներին ու ստորաբաժանումների ղեկավարներին
Ռուսաստանը երբեք չի փոխել իր դիրքորոշումը Լաչինի միջանցքի վերաբերյալ․ Պուտին․ ՏԵՍԱՆՅՈՒԹ
Քաղաքականություն
25.05.2023 | 22:09
Ռուսաստանը երբեք չի փոխել իր դիրքորոշումը Լաչինի միջանցքի վերաբերյալ, որն արտացոլված է Մոսկվայի, Երևանի և Բաքվի միջև եռակողմ պայմանավորվածություններում, հայտարարել է ՌԴ նախագահ Վլադիմիր Պուտինը ՀՀ վարչապետ Նիկոլ Փաշինյանի հետ հանդիպմանը, փոխանցում է ՌԻԱ Նովոստին։
«Մենք երբեք չենք փոխում մեր դիրքորոշումը»,- ասել է ՌԴ ղեկավարը։
Նա հավելել է, որ եռակողմ ձևաչափով հնարավորություն կունենան խոսելու տրանսպորտային կապերի ապաշրջափակման հարցերի շուրջ։
«Հարցերը շատ կարևոր են, զգայուն։ Համոզված եմ, որ եթե, ի վերջո, չնայած բոլոր դժվարություններին, հասնենք այդ հարցերի լուծմանը, ապա դա անկասկած օգուտ կբերի և՛ Հայաստանին, և՛ Ադրբեջանին, և ոչ միայն երկու երկրներին, այլև ամբողջ տարածաշրջանին, քանի որ շատ պետություններ են շահագրգռված դրանում, և դա կնպաստի հարաբերությունների կարգավորմանը բոլոր ուղղություններով, այդ թվում՝ քաղաքական՝ այս տարածքում ապրող մարդկանց անվտանգության ապահովման տեսանկյունից»,- նշել է Պուտինը։
Հիշեցնենք, որ այսօր ավելի վաղ Պուտինը երկկողմ հանդիպում է ունեցել Ադրբեջանի նախագահ Իլհամ Ալիևի հետ։
Այսօր կայանալու է նաև եռակողմ հանդիպում Փաշինյանի, Պուտինի ու Ալիևի մասնակցությամբ։
Տաթև Ֆռանգյան
