07.09.2026 | 17:24
Ուիթքոֆի և Քուշների մասնակցությամբ բանակցությունները՝ «քայլ դեպի խաղաղություն»․ Կրեմլ
«Թուրքիան Աֆրինում դեռ որոշ ժամանակ կմնա». Թուրքիայի արտգործնախարարության խոսնակ
Քաղաքականություն
02.07.2018 | 20:41
Հուլիսի 2-ին Թուրքիայի արտգործնախարարության խոսնակ Համի Աքսոյն օտարերկրյա լրագրողների հետ զրուցում խոսել է Սիրիայի Աֆրին քաղաքի հետագա ճակատագրի մասին։ Վերջինս այս պահին Թուրքիայի զինված ուժերի վերահսկողության տակ է. տեղեկացնում է ermenihaber-ը:
«Ինչպես գիտենք աֆրինցիները ստեղծեցին իրենց ավագանին, որի մեջ մտան քրդեր, թուրքմեններ, արաբներ։ Կամաց-կամաց նրանց են հանձվում Աֆրինի անվտանգության և ռազմական կառույցները։ Իհարկե Թուրքիան այստեղ դեռ որոշ ժամանակ կմնա։ Ինչպես ասել էի, Թուրքիայի կողմից դեռևս շարունակվում է տեղի անվտանգության ուժերի ուսուցման և զինման գործընթացը»,-նշել է Աքսոյը։
Վերջինս նաև նկատել է տվել, որ Աֆրինում Թուրքիայի ռազմական գործողություններից հետո 140.000 աֆրինցի վերադարձել է հայրենի բնակավայր:
Հիշեցնենք, որ «Ձիթենու ճյուղ» ռազմական գործողության հետևանքով Աֆրինն անցավ Թուրքիայի զինուժի վերահսկողության տակ։ Մինչ այդ Աֆրինը Սիրիայի քրդական ուժերի վերահսկողության տակ էր:
