15.01.2026 | 21:29
Հեռախոսներ են ներկրել մաքսանենգ ճանապարհով. ՊԵԿ-ը՝ կոմիտեի ձերբակալված պաշտոնյաների մասին
2019-ի համեմատ զբոսաշրջությունը աճել է 35 տոկոսով, զբոսաշրջիկների 52 տոկոսը գալիս է Ռուսաստանից․ ՏԵՍԱՆՅՈՒԹ
Տնտեսություն
25.05.2023 | 12:09
Ընթանում է ՀՀ ԷՆ զբոսաշրջության կոմիտեի նախագահ Սիսիան Պօղոսեանի, «Հայ խոհարարական ավանդույթների զարգացման և պահպանման» ՀԿ նախագահ Սեդրակ Մամուլյանի, «Տաթևի Վերածնունդ» հիմնադրամի նախագծերի ղեկավար Անի Դավթյանի, Ոչխարների խուզման փառատոնի համակարգող Ալլա Ղազարյանի ասուլիսը:
Ընթացիկ տարվա առաջին 4 ամիսներին Հայաստան է այցելել 630 հազար զբոսաշրջիկ: Ասուլիսում այս մասին նշեց ՀՀ ԷՆ զբոսաշրջության կոմիտեի նախագահ Սիսիան Պօղոսեանը։ Նրա խոսքով՝ 2019 թվականի նույն ժամանակահատվածի համեմատ գրանցվել է 35 տոկոս աճ:
«Զբոսաշրջիկների մեծ մասը գալիս է Ռուսաստանից՝ մոտ 52 տոկոս, որին հաջորդում է Վրաստանը, Իրանը: Զբոսաշրջային այցերի բավական ակտիվություն ենք նկատում Էմիրություններից: Զբոսաշրջային այցերի ակտիվության առումով առանձնանում է ապրիլ ամիսը: Միայն ապրիլին ունեցել ենք 180 հազար զբոսաշրջիկ»,-ասաց Սիսիան Պօղոսեանը:
Զբոսաշրջության կոմիտեի նախագահը նշեց, որ բավական աշխատանք է տարվում միջազգային շուկայում Հայաստանի նկատմամբ հետաքրքրությունը մեծացնելու ուղղությամբ: Թիրախավորվում են եվրոպական երկրները, Էմիրությունները: Դեպի Հայաստան տուրիստների ակտիվությունն ապահովվում է նաև այլ քաղաքներից դեպի Երևան ուղիղ չվերթների իրականացումը:
Մանրամասները՝ տեսանյութում։
