16.09.2026 | 23:17
Գեղարքունիքի մարզի մի շարք հասցեներում 24 ժամ ջուր չի լինի
Ֆուտբոլի ֆեդերացիայի ժողովն անցել է թափանցիկության, օրինականության և ՀՖՖ կանոնադրության տառին համապատասխան. ՀՖՖ
02.07.2018 | 18:09
Հունիսի 30-ին տեղի է ունեցել ՀՖՖ հերթական՝ 16-րդ ժողովը, որի ընթացքում ներկայացվել է նախորդ՝ 2017 թվականին Հայաստանի ֆուտբոլի ֆեդերացիայի կողմից իրականացված աշխատանքների, ինչպես նաև ֆինանսական հաշվետվությունները. տեղեկացնում է ՀՖՖ մամուլի ծառայությունը,
Ժողովից առաջ չմասնակցելու, բոյկոտելու պահանջներով մեծ ճնշումներ են գործադրվել ժողովի մասնակիցների, պատվիրակների վրա և չնայած այդ հանգամանքին ժողովը կայացել է՝ պահպանելով օրինականության, ՀՖՖ կանոնադրության բոլոր պահանջները, եղել է առավելագույնս թափանցիկ:
Ժողովի ընթացքը լուսաբանել են 20-ից ավելի լրատվամիջոցների ներկայացուցիչներ, եղել է ուղիղ հեռարձակում, ժողովի ընթացքին հետևել են 25-ից ավելի հրավիրյալներ՝ այդ թվում նաև ՈւԵՖԱ-ից:
ՀՖՖ-ն նաև հայտնում է, որ եթե ինչ-որ քվեարկության մասնակցել են 17 պատվիրակներ, այլ ոչ բոլոր գրանցվածները՝ ապա կրկին անգամ որոշումն օրինական է, քանի որ որոշումները ժողովում ընդունվում են ժողովի գրանցված պատվիրակների պարզ մեծամասնությամբ (50%+1):
