26.06.2026 | 22:15
Forbes. Երեմյան ընկերությունների խմբի 20 տարին, 27 բիզնես ուղղությունն ու մեկ տեսլականը
ՀՀ-ի և Ադրբեջանի միջև քաղաքական բանակցությունն անբավարար է․ պիտի ներառվեն նաև հասարակությունները․ Մարգարիտա Թադևոսյան․ ՏԵՍԱՆՅՈՒԹ
Քաղաքականություն
24.05.2023 | 21:47
«Հայաստանի և Ադրբեջանի միջև այսօր առկա քաղաքական մակարդակի բանակցություններն անբավարար են, պիտի ներառվեն նաև հասարակությունները»,- Factor TV-ին տված հարցազրույցում ասում է ԱՄՆ Ջորջ Մեյսոն համալսարանի դասախոս, Խաղաղաշինության պրակտիկայի կենտրոնի գործադիր տնօրեն, դոկտոր Մարգարիտա Թադևոսյանը։
Հայաստանը և Ադրբեջանն ակտիվորեն բանակցում են՝ հարաբերությունների կարգավորման, Լեռնային Ղարաբաղի հարցի լուծման ուղղությամբ։ Օրերս Նիկոլ Փաշինյանը հայտարարեց, որ Հայաստանը ճանաչում է Ադրբեջանի տարածքային ամբողջականությունը՝ 86,600 ք/կմ տարածքով, որի մեջ ներառված է նաև Լեռնային Ղարաբաղը, Ադրբեջանը ճանաչում է ՀՀ տարածքը՝ 29,800 ք/կմ-ով։ Միաժամանակ, ըստ Փաշինյանի, իրավունքների և անվտանգության շուրջ միջազգային մեխանիզմով խոսակցություն պիտի լինի Բաքվի և Ստեփանակերտի միջև։
Ըստ կոնֆլիկտաբանի՝ հայերի և ադրբեջանցիների միջև թշնամանքի հաղթահարումն ուտոպիա չէ, բայց տևական ժամանակ է պետք․ «Ուրախ եմ, որ ԱՄՆ Պետքարտուղարությունը մատնանշում է Ադրբեջանի ղեկավարության կողմից ծայրահեղ ատելության խոսքը հայերի հանդեպ, ինչը կարող է որոշակի ռեֆլեքսիա ստեղծել այնտեղ։ Ադրբեջանի ժողովուրդը ևս զոհ է ավտորիտարիզմի ռեպրեսիաների, և միջազգային հանրությունը պիտի ապահովի ադրբեջանցիների ազատությունը և իրավունքները, ինչը կօգնի նաև մեր խնդիրների լուծմանը»։
Հարցազրույցն ամբողջությամբ՝ տեսանյութում։
Ռոբերտ Անանյան
