Քաղաքականություն
24.05.2023 | 21:20
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքն ակնկալում է, որ Վրաստանը «հավատարիմ կմնա ժողովրդավարական արժեքներին» և Ռուսաստանի դեմ արևմտյան պատժամիջոցներին։
«Կարևոր է, որ Վրաստանը հավատարիմ մնա այն ժողովրդավարական արժեքներին, որոնց մենք բոլորս հավատում ենք: Մենք նաև ակնկալում ենք, որ ՆԱՏՕ-ի անդամ չհանդիսացող դաշնակիցները կպահպանեն պատժամիջոցները և չեն օգնի Ռուսաստանին»,- ասել է նա՝ Բրյուսելում ֆորումի ժամանակ պատասխանելով ՆԱՏՕ-ի և Վրաստանի միջև հարաբերությունների մասին հարցին:
ՆԱՏՕ-ի գլխավոր քարտուղարը նաև հիշեցրել է, որ դաշինքը երկար տարիներ աշխատում է Վրաստանի հետ՝ օգնելով բարեփոխումներ իրականացնել։
Տաթև Ֆռանգյան
