07.10.2026 | 23:48
Արթուր Դանիելյանը կալանավորվեց
Չինաստանը ՌԴ-ին աջակցություն է խոստացել Մոսկվայի հիմնական շահերի ոլորտում
Քաղաքականություն
24.05.2023 | 21:45
Չինաստանը Ռուսաստանին աջակցություն է առաջարկել Մոսկվայի հիմնական շահերի ոլորտում: ՌԴ վարչապետ Միխայիլ Միշուստինի հետ հանդիպմանը Չինաստանի նախագահ Սի Ցզինպինը հայտարարել է, որ երկրները կշարունակեն աջակցել միմյանց և «ուժեղացնել համագործակցությունը բազմաթիվ ոլորտներում», գրում է DW-ի ռուսական ծառայությունը։
Չինաստանի ղեկավարը պարզաբանել է, որ Պեկինը մտադիր է ամրապնդել Մոսկվայի հետ աշխատանքների համակարգումն այնպիսի միջազգային հարթակներում, ինչպիսիք են Շանհայի համագործակցության կազմակերպությունը, BRICS-ը և G20-ը:
ՌԴ վարչապետը նշել է, որ այցի ընթացքում իր գլխավոր խնդիրը տեսնում է Չինաստանի Ժողովրդական Հանրապետության Պետական խորհրդի վարչապետ Լի Ցյանի հետ կառուցողական համագործակցության հաստատումը։ Միշուստինը հավելել է, որ հույս ունի «կազմակերպել արդյունավետ համատեղ աշխատանք կառավարությունների միջև՝ պետությունների ղեկավարների մակարդակով ձեռք բերված պայմանավորվածությունների արագ իրականացման համար»։
Միշուստինը Չինաստան է ժամանել մայիսի 22-ին՝ այս պաշտոնում իր առաջին պաշտոնական այցով։ Նա ժամանել է Շանհայ, որտեղ մասնակցել է չին-ռուսական բիզնես ֆորումին։ Այնուհետև ՌԴ վարչապետը մեկնել է Պեկին, որտեղ մայիսի 24-ին հանդիպել է Լի Ցյանգի և Սիի հետ։ Այցի ընթացքում ստորագրվել են մի շարք երկկողմ փաստաթղթեր, այդ թվում՝ առևտրային համագործակցության ընդլայնման վերաբերյալ հուշագիր։
Տաթև Ֆռանգյան
