13.01.2025 | 13:11
ՆԱՏՕ-ի ինը երկրներ զորավարժություններ կանցկացնեն Բալկաններում
Էրդողանին աջակցած Օղանի դաշնակիցը հայտարարել է ընտրությունների 2-րդ փուլում Քըլըչդարօղլուին սատարելու մասին
Քաղաքականություն
24.05.2023 | 22:30
Փախստականների դեմ պայքարող թուրքական «Հաղթանակ» (Զաֆեր) կուսակցության առաջնորդ Ումիթ Օզդաղը հայտարարել է նախագահական ընտրությունների երկրորդ փուլում ընդդիմության միասնական թեկնածու Քեմալ Քըլըչդարօղլուին սատարելու մասին։ Որոշումը կայացվել է մայիսի 14-ի ընտրությունների առաջին փուլից հետո մի շարք հանդիպումներից հետո, գրում է Bianet-ը։
«Թուրքիայի ապագայի համար յուրաքանչյուր կուսակցություն և կուսակցության ղեկավար պատասխանատվություն է կրում։ Մենք նստել և խոսել ենք։ Մենք դրական արդյունքների հասանք։ Ես շնորհակալ եմ Օզդաղին և նրա գործընկերներին»,-կուսակցության կենտրոնակայանում հրավիրված համատեղ ասուլիսում ասել է Քըլըչդարօղլուն։
Օզդաղն էլ հավելել է, որ «13 միլիոն անօրինական ներգաղթյալների վերադարձը իրենց երկրներ Թուրքիայի ամենամեծ խնդիրն է»։
«Մենք որոշել ենք երկրորդ փուլում աջակցել Քըլըչդարօղլուին։ Շնորհավորում եմ։ Եթե ցանկանում եք, որ Թուրքիան մնա Թուրքիա, և եթե ցանկանում եք ձեր երեխաներին վստահորեն ուղարկել արտերկիր, աջակցեք Քըլըչդարօղլուն և այն քաղաքականությունը, որը մայիսի 28-ի ընտրություններում հետ կուղարկի 13 միլիոն փախստականներին»,- ասել է Օզդաղը։
Մայիսի 14-ի ընտրություններում «Հաղթանակ» կուսակցությունը ստացել է խորհրդարանական ձայների 2,23 տոկոսը։ ATA-ի մաս կազմող «Հաղթանակ» (Զաֆեր), «Արդարություն» (Ադալետ), «Իմ երկիրը» (Ուլքեմ) կուսակցություններն ու «Թուրքիայի դաշինքը» նախագահական ընտրությունների առաջին փուլում մասնակցում էին Սինան Օղանի թեկնածությամբ։
Ընտրություններում Օղանը, որը հավաքել էր ձայների հինգ 5 հայտարարել է Էրդողանին աջակցելու մասին։
Ի դեպ, դաշինքի մաս կազմող «Արդարություն» կուսակցությունը նույնպես ավելի վաղ հայտարարել է ընդդիմության թեկնածու Քըլըչդարօղլուին սատարելու մասին։
Էմմա Չոբանյան
